ВАСЕВ

„Ќе умре и онака“: Изјава што ја одбележа расправата за терапиите на Онкологија

На судењето за случајот со Клиниката за онкологија, се отвори клучна контроверзија околу ставот дека кај тешко болни пациенти „нема потреба од терапија, бидејќи и онака ќе умрат“, што, според одбраната, произлегува од толкувањата на вештачењето.Вештото лице Маја Равник од Медицинскиот факултет во Марибор, која изработила медицинско вештачење според истории на десетици пациенти, посочи дека кај дел од случаите биле давани терапии без јасна индикација, во несоодветни дози и интервали, со што болеста напредувала побрзо, а во поединечни случаи, според неа, хемотерапијата можела и да ја забрза смртта.Одбраната на поранешниот директор на Онкологија, Нино Васев, остро реагираше, оценувајќи дека ваквиот пристап е „ригиден и теоретски“ и опасен во пракса. Адвокатот Боби Спирковски истакна дека ваквото толкување практично води до ставот дека кога лекарот ќе процени дека пациентот е „готов“, не треба да му се дава терапија, што, според него, е форма на прикриена еутаназија.„Кој може да каже колку време ќе живее пациентот за да одлучи дека веќе не треба да се лекува? Во нашата пракса, дури и кога состојбата е тешка, се дава терапија со надеж дека ќе се продолжи животот“, порача Спирковски, нагласувајќи дека лекарите често се принудени да работат со ограничени ресурси и без целосна достапност на лекови.Случајот продолжува во доказна постапка, а судот ќе треба да одмери дали станува збор за несовесно лекување или за медицински одлуки донесени во услови на тежок и ограничен здравствен систем.

Македонија | пред 1 ден

Нино Васев да оди во притвор, а не да седи во куќен притвор, бара Фетаи

Обвинителката од Вишото обвинителство-Скопје, Фатиме Фетаи, бара наместо куќен притвор, на д-р Нино Васев да му биде одреден ефективен притвор. Таа смета дека истрагата може да тече само ако Васев биде зад решетки.„Ставот на Вишото јавно обвинителство е дека во оваа фаза на постапката, имајќи ги во предвид сите околности, мерката притвор и единствено мерката притвор, претставува доволна гаранција за обезбедување присуство на осомничениот и успешно обезбедување во кривичната постапка“, рече Фетаи.На аргументот дека Васев и досега ги почитувал мерките за обезбедување на присуство, Фетаи рече дека тоа било друга фаза на постапката.

Македонија | пред 7 месеци

(Видео) Хаосот на Онкологија не застанува, Цаневска раскажува: Некогаш нема кај да се стои, а не да се седне - глетката при апсењето на Васев беше страшна

На Онкологија има денови кога нема кај да се стои, а не пак, да се седне, раскажува новинарката Катерина Цаневска која ја бие битката со ракот. Таа раскажа за моментите кога на клиниката беше уапсен доктор Нино Васев. Гужвите не застануваат. За 100 пациентки дневно, се грижат една медицинска сестра и тројца доктори.„Во моментов, рак на дојка, дневно се прегледуваат на Онкологија, 100 пациентки. Ова ми е информација од луѓето што работат таму. И ако кажам дека во моментов, откако др. Васев е отстранет од работа, една докторка си отиде, тројца доктори се останати. Тројца доктори и една медицинска сестра треба да опслужат сто пациенти дневно. Добар ден да им кажете тоа се 100 минути. Овие пациенти се малку поспефицични од другите. Треба да им објасните. Сигурно сите имаат многу прашања. Можат до 20-ти пациент, па да си отидат. Таму доаѓаат пациенти од внатрешноста, замислете да се врати секој и да му се каже да дојде утре“, рече Цаневска.Раскажа и за стравот кај пациентите кога беше уапсен доктор Нино Васев. Раскажа како пациентите биле исплашени и во грч, дека ќе останат без терапии кои мора да се потпишат од доктор.„Вторникот се случи упадот на полицијата. Тоа беше страшна глетка. Како што ми кажуваше жената која дојде во собата. Рече: ‘Катерина страшно беше, дојдоа едни со нешто што пука. Се затворив во собата, затоа што не знаев што се случува’. Јас пред да тргнам од дома, прочитав вест дека др. Васев се криел и бегал, што не е точно според кажувањата на медицинските лица, но и според изјавите дадени за некои новинари. Тоа дополнително ги вознемири пациентите. Јас почувствував несигурност. Секоја терапија се потпишува, викам сега нема кој да ми даде терапија“, раскажа Цаневска.Следете во живо:

Македонија | пред 1 година