ВАТСАП

ЕУ бара од Мета да ги врати AI асистентите на WhatsApp

Европската комисија денеска соопшти дека планира да ѝ наложи на компанијата Мета повторно да овозможи пристап до конкурентски асистенти со вештачка интелигенција на апликацијата WhatsApp, откако компанијата воведе наплата за нивно користење.Според Комисијата, новата политика на Мета може да ги исклучи AI алатките од трети страни од платформата WhatsApp Business, што на прв поглед претставува можно кршење на правилата за конкуренција во Европската унија. Затоа е најавено воведување на привремени мерки кои ќе останат на сила до крајот на истрагата. Целта е да се спречи потенцијална штета врз пазарната конкуренција. Според најавите, Мета би морала повторно да овозможи пристап до овие услуги под исти услови како пред 15 октомври 2025 година.Комисијата наведува дека Мета претходно најавила можност за наплата на пристапот до AI асистенти на WhatsApp Business, отстапувајќи од првичниот план да ги исклучи надворешните чатбот решенија од платформата.Од Мета реагираа дека ваквата интервенција би можела да ги оптовари малите бизниси, кои ја користат WhatsApp Business за комуникација со клиенти. Според нив, наместо големите технолошки компании, трошокот би паднал врз малите европски фирми.Европската комисија исто така соопшти дека истрагата е проширена и во Италија, каде што националниот регулатор за конкуренција веќе има отворено посебна постапка против компанијата.

Свет | пред 4 дена

Русија ја блокираше апликацијата WhatsApp

Русија ја блокираше апликацијата WhatsApp, со цел над 100 милиони корисници да преминат на државната апликација Max. Кремљ тврди дека блокадата е поради „неспремноста на Мета да се придржува до рускиот закон“, а WhatsApp и Telegram одбиле да ги чуваат податоците на руските корисници во земјата.Апликацијата Max се промовира преку телевизија, плакати и преку јавни институции, а од 2025 година мора да биде прединсталирана на сите нови уреди. Дополнително, Roskomnadzor го ограничува пристапот и до Telegram, кој е многу популарен во Русија.WhatsApp е блокиран од 2022 година откако Meta беше прогласена за „екстремистичка организација“. Од компанијата велат дека прават сè за корисниците да останат поврзани, додека проектот „На Свијази“ предупредува дека Русија сè повеќе ја ограничува слободата на интернетот. Според Tass, блокадата на WhatsApp се очекува да стане трајна во 2026 година.

Свет | пред 2 месеци

Русија почна да го ограничува WhatsApp: обвинувања за кршење закони и закана за целосна блокада

Илјадници корисници низ Русија во вторникот пријавија прекини и сериозни потешкотии во користењето на апликацијата WhatsApp, по што компанијата јавно ги обвини руските власти дека се обидуваат да го ускратат правото на приватна комуникација на повеќе од 100 милиони луѓе, токму во пресрет на празничната сезона. Рускиот регулатор за комуникации потврди дека презема мерки за постепено ограничување на услугата, наведувајќи дека апликацијата ги крши руските закони, објави Reuters.Од Роскомнадзор соопштија дека WhatsApp континуирано не ги почитува законските обврски и повторно упатија предупредување дека може да следи целосна блокада доколку компанијата не се усогласи со барањата. Во соопштението доставено до државните медиуми се наведува дека апликацијата, според нив, се користела за организирање и извршување терористички акти, за регрутирање извршители, како и за измами и други кривични дела против граѓаните на Русија.Од WhatsApp возвратија дека ваквите мерки директно ја загрозуваат безбедноста и приватноста на милиони корисници кои секојдневно се потпираат на платформата. Портпарол на компанијата изјави дека ограничувањето на пристапот претставува обид да им се одземе правото на приватна, целосно шифрирана комуникација на над 100 милиони луѓе, и тоа непосредно пред празниците во Русија.Во реакцијата се нагласува дека WhatsApp е длабоко вкоренет во секојдневието на заедниците во земјата – од родителски групи и работни колективи до разговори меѓу пријатели, соседи и пошироки семејства низ различни руски региони. Од компанијата порачаа дека ќе продолжат да се борат за своите корисници, предупредувајќи дека присилувањето на граѓаните да користат помалку безбедни, државно контролирани апликации може да резултира со уште помала безбедност за населението.Ограничувањата на WhatsApp се дел од поширок притисок врз странските технолошки платформи во Русија. Уште во август, властите започнаа да ограничуваат дел од повиците преку WhatsApp и Telegram, обвинувајќи ги дека одбиваат соработка со органите за спроведување на законот во истраги поврзани со измами и тероризам.Покрај тоа, руските власти веќе блокираат или ограничуваат пристап до социјални мрежи како Facebook, Instagram, YouTube и Snapchat, додека паралелно ја промовираат државната апликација за размена на пораки MAX.Критичарите предупредуваат дека MAX, која интегрира различни државни услуги, може да се користи за надзор на корисниците, обвинувања што руските власти ги отфрлаат, тврдејќи дека апликацијата е создадена со цел да им го олесни секојдневието на граѓаните.

Свет | пред 3 месеци