ВИКТОР СТОЈАНОВ

По навредливата изјава за Гоце Делчев, Рубин Земон на средба со Виктор Стојанов од Бугарија, осомничен за ширење омраза кон Македонија

Рубин Земон, член на Централниот одбор на СДСМ, се сретнал со бугарскиот државјанин Виктор Стојанов, претседател на т.н. „Фондација Македонија“, кој има доживотна забрана за влез во Македонија и против кого пред два месеци беше поднесена кривична пријава за ширење говор на омраза кон македонската држава.За средбата објави самата фондација на социјалните мрежи.„На неофицијална средба со Рубин Земон - дел од раководството на опозициската СДСМ и претставник на Египќаните во Република Северна Македонија. На режимот на Мицкоски ќе му се спротивстават мнозинството граѓани на државата, а ние од Европската Унија ќе им дадеме поддршка: во име на европската иднина на С. Македонија и децата таму“, стои во објавата на „Фондација Македонија“.Средбата предизвика реакции и поради претходните ставови и активности на Стојанов, но и поради изјавите на самиот Земон. Тој претходно во јавноста изјави:„Гоце Делчев ништо не напишал во животот, ниедна битка не извојувал никаде, а кај нас е мит направен“.По ова, Земон се извини и кажа дека бил погрешно разбран, по што седна на маса со Стојанов, кој забраната за влез во Македонија ја доби токму во време на СДСМ.Против Виктор Стојанов, кој е претседател на бугарската фондација „Македонија“, беше поднесена кривична пријава за ширење расистички и ксенофобичен материјал по пат на компјутерски систем, дело казниво по член 394-г од Кривичниот законик.Од Агенцијата за национална безбедност тогаш соопштија дека пријавата следува по обезбедени информации за „субверзивно-пропагандни активности насочени кон поттикнување етничка и национална омраза“.Според Обвинителството, Стојанов преку специјално креирана Фејсбук-страница споделувал содржини со кои поттикнувал национална и етничка омраза и дискриминација, а во истрагата бил одземен и пропаганден материјал наменет за дистрибуција во Македонија.Стојанов и претходно беше во фокусот на јавноста. Пред три години тој упати закани кон Македонците од Пустец, предупредувајќи дека доколку не се попишат како Бугари на пописот во Албанија, ќе им бидат одземени бугарските пасоши.

Македонија | пред 9 часа

Виктор Стојанов е бугарскиот активист осомничен за ширење омраза кон Македонија и Македонците

Бугарскиот државјанин Виктор Стојанов, претседател на фондацијата „Македонија“, е опфатен со кривична пријава за кривичното дело ширење расистички и ксенофобичен материјал по пат на компјутерски систем, предвидено во член 394-г од Кривичниот законик.Според информациите од Агенцијата за национална безбедност, пријавата е поднесена по претходно обезбедени сознанија за активности насочени кон ширење пропаганда и поттикнување етничка и национална омраза. Постапката била реализирана во координација со Министерството за внатрешни работи и Основното јавно обвинителство Скопје.Од Обвинителството информираат дека осомничениот преку специјално креирана страница на социјалната мрежа Фејсбук објавувал содржини со кои се поттикнувала национална и етничка дискриминација.Во рамки на истражните дејствија бил извршен претрес, при што бил одземен пропаганден материјал за кој постојат сомневања дека бил подготвен за дистрибуција на територијата на државата.Надлежните институции соопштија дека истрагата е во тек и дека се преземаат дополнителни активности за целосно утврдување на фактите и околностите во случајот.

Македонија | пред 2 месеци

Димоски за Стојанов: Овој третокласен бугарски агент, се расфрла со пари во обид да купи се што е македонско, но добива корпа

Бугарската „Фондација Македонија“ планира да инвестира голема сума на средства во пет нови медиуми во Македонија. Организацијата планира да отвори и ТВ-студио во кое ќе се снимаат видеа, подкасти и интервјуа кои ќе се емитуваат само на интернет платформите. Планирани се и портали за здрава храна и за спорт.„Овој третокласен бугарски агент, се расфрла наоколу со пари на бугарските даночни обврзници во обид да купи се што е македонско. Се разбира во допир со нормални луѓе добива корпа како во случајот со ФК Вардар. Арно ама успева кај оние полесни на пара, но и желни за слава од овој свет. Така пред извесно време ги примиле неговите триесет сребреници во еден македонски манастир и сега примателите се мачат да исткаат нов идентитет спојувајќи ги неспоивите ромејски и бугарски идентитети. Наше е да ги разобличиме и да се молиме на Духот Свет да си ја сочува Црквата единствена и неосквернета“, вели поранешниот обвинител Војо Димоски.

Коментари | пред 2 години