врапчиште

Што се случило во Врапчиште: полицајците побарале граѓаните да излезат од кај градоначалникот оти го снимале, дел пружиле отпор, па биле успсени

Министерството за внатрешни работи ја известува јавноста дека денеска (10.09.2024) во 10 часот од страна на полициски службеници од НККР Гостивар, градежен инспектор од општина Врапчиште и ангажирана геодетска фирма извршен е увид на локацијата каде се наоѓа црквата во атарот на с. Галате. Увидот е извршен по претходно отворена пријава на 09.09.2024 од страна на инспектор за урбанизам при општина Врапчиште за бесправна градба на оваа локација, а по завршување на увидот, од страна на градежниот инспектор местото е околчено со арматури и трака.“Околу 15 часот од страна на лицето Д.П., во присуство на неколку граѓани, отстранета е арматурата и траката, по што групата граѓани се упатиле пред општина Врапчиште, каде се одржал мирен протест. Од страна на Д.П. и уште две лица, дел од траката е залепена преку влезната врата на општината, а по извесно време Д.П. со група од околу 10 луѓе влегува во објектот на општината, со цел да бидат примени од страна на градоначалникот Исен Шабани. По извесно време, градоначалникот се согласил да ги прими, но со услов разговорот да не се снима со приватни телефони. Групата граѓани одбиле да го направат тоа и градоначалникот побарал да го напуштат објектот. Откако не го напуштиле, градоначалникот побарал од полициските службеници да го испразнат објектот, по што од страна на полициските службеници при ПС ОН Гостивар на групата граѓани им е дадена наредба да го напуштат објектот на општината, нешто кое Д.П. и уште едно лице одбиле да го направат и пружиле активен отпор на полициските службеници. Двете лица се приведени во просториите на ПС Гостивар и по извршен службен разговор со нив и направена консултација со јавен обвинител, истите се пуштени да си одат.МВР апелира за воздржување од било какви тензии по однос на овој настан. Било кое подгревање на меѓуетнички и меѓурелигиски тензии било на јавен простор или преку социјални медиуми ќе биде предмет на кривично-правен прогон од страна на МВР.Македонското општество е засновано на меѓусебна почит и толеранција, а нашите темелни уставни вредности се гарант дека никој нема право да ги користи верските прашања во дневно-политички цели. МВР во текот на утрешниот ден ќе направи средби со сите чинители кои можат да придонесат за расчистување на овој настан”, велат од МВР

пред 1 година

(Видео) Случајот со црквата заврши со апсење: Две лица со лисици изнесени од Општина Врапчиште

Две лица уапсени попладнево во Тетово, оти според службениците дале отпор на полицијата во просториите на Општина Врапчиште за случајот со црквата Св. Петка. Ова доаѓа откако тие отидоа пред општината и ја поставија лентата која вчера полицијата им ја стави пред црквата, со цел забранет пристап. Пријавата била од градоначалничкот на Општина Врапчиште, Исен Шабани од ДУИ.Вчерашниот обид да се расчисти теренот околу црквата Света Петка беше спречен од страна на полицијата. На социјалните мрежи беше објавено видео на кое се вели дека полицијата дошла на местото да ги уапси работниците. Од МВР демантираат дека имало приведување. Се постапувало по пријава од страна на инспектор за урбанизам од општина Врапчиште според која се изведувале незаконски градежни работи на црквата.Градоначалникот на Врапчиште Исен Шабани од ДУИ поднел пријава за узурпација на државно земјиште. Ова би значело дека според него, црквата е нелегален објект и треба да се урне.

Македонија | пред 1 година

Конфликтот со градоначалникот на Врапчиште за црквата продолжува: Се криеше во канцеларија, те чуваа 20 полицајци - продолжуваме појако и посилно

Душко Павловски, мештанин на гостиварско Галате е ослобен откако беше уапсен во Општина Врапчиште, со образложение, дека давал отпор на полицијата. Тој се заблагодари на сите кои го чекале пред полициската станица. Му се обрати и на градоначалничкот на Општина Врапчиште, Исен Шабани од ДУИ.„Другари Македонци, Албанци, Турци, Роми, фала ви на сите што ме чекавте пред полициска станица, сите што ме знаете, знаете дека немам ништо меѓутензично, него чисто не сакам никој да ме рпави будала. Градоначалник на Врапчиште, срам си за сите. Јас како што ти ветив, траките ти ги донесов во Општина, а ти како пи*ка три часа се криеше во канцеларија иако имаше до тебе 20 полицајци да те чуваат. Продолжуваме појако и посилно“, објави Паловски.Вчерашниот обид да се расчисти теренот околу црквата Света Петка беше спречен од страна на полицијата. На социјалните мрежи беше објавено видео на кое се вели дека полицијата дошла на местото да ги уапси работниците. Од МВР демантираат дека имало приведување. Се постапувало по пријава од страна на инспектор за урбанизам од општина Врапчиште според која се изведувале незаконски градежни работи на црквата.Градоначалникот на Врапчиште Исен Шабани од ДУИ поднел пријава за узурпација на државно земјиште. Ова би значело дека според него, црквата е нелегален објект и треба да се урне.

Македонија | пред 1 година