ВРЕМЕНСКА

Циклон од запад овој викенд ќе ни донесе нови обилни врнежи и грмежи, а ќе има појава и на ново локално невреме

За време на викендов, и тоа поради влијанието на висински циклон од запад, повторно атмосферата во Македонија позначително ќе се дестабилизира, па така на повеќе места, и тоа особено во западната половина од државава ќе има развој на нестабилна облачност, проследена со пороен дожд, грмежи и засилен ветер.Локално повторно ќе има услови за поинтензивни атмосферски процеси во форма на невреме, проследено со обилен пороен дожд за кратко време кој би можел да предизвика нови локални поројни поплави, силен ветер, силни и чести електрични празнења, силен ветер, како и со појава на град.И во Скопскиот регион од денес попладне ќе биде нестабилно со услови за локална појава на пороен дожд, грмежи и засилен ветер. Во делови од котлината ќе има услови за појава на краткотрајно невреме.Што се однесува до температурите, тие остануваат без промени и ќе се искачуваат во интервалот од 23 до 29 степени, додека утре ќе биде малку посвежо со максимални дневни температури кој ќе се искачуваат во интервалот од 19 до 27 степени.Да напоменеме дека за време на викендов локално ќе наврне позначително количество на воден талог, особено во западната половина од државава, и тоа над 25 литри дожд.

Македонија | пред 1 година

Продолжува пролетното топло време: Ќе имаме променлива облачност, но и услови за слаби локални врнежи од дожд!

Овој викенд како што и најавивме продолжуваат пролетните температури на воздухот. Тие ќе се искачуваат во интервалот од 12 до 19 степени.Наутро пак температурите речиси насека остануваат над нулата, што значи не постојат услови за појава на утрински мразеви.Времето ќе биде променливо облачно со сончеви периоди, иако денес локално ќе биде и позначително облачно. Ќе има услови и за сосема слаби локални врнежи од дожд (ништо сериозно не се очекува).Што се однесува до ветерот, денес тој ќе биде со слаб до умерен интензитет и од јужен правец, додека утре ќе засилува ветерот од северен правец, особено Долж Повардарието.Во Скопје и околината ќе имаме слично време со температури кој ќе се искачуваат во интервалот помеѓу 16 и 17 степени.Незначително опаѓање на температурите и локални врнежи од дожд ќе имаме во вторник.

Македонија | пред 2 години

Времето ќе биде невообичаено за овој период од годината - што нѐ очекува неделава

Невообичаено топлото време за овој период од годината, благодарение на топлиот метеоролошки феномен “Ел Нињо” ќе продолжи и во текот на оваа недела, температурите и понатаму речиси насекаде ќе надминуваат 10 степени, а во најтоплите централни и југоисточни предели повремено тие ќе се искачуваат  и до пролетни 20 степени.Сепак ќе има повеќе облачност, а нов, овој пат поголем влажен воздушен бран од Медитеранот очекуваме од четврток. Овој влажен бран локално ќе донесе пообилни врнежи од дожд и позначително количество на воден талог. Сето ова повторно ќе биде проследено со засилен ветер од југоисточен правец, најиздразен долж Повардарието.Во Скопје исто така очекуваме слично време како и во останатите предели од државава.Мора да напоменеме дека поради изразеното јужно воздушно струење, од Сахара кон нашата територија, како и во поголем дел од Европа и Балканот се очекува транспорт на прашина и на песок, со што и Атмосферата ќе биде заматена. Се очекува значително да ја има оваа прашина  и песок од Сахара.

Македонија | пред 2 години

Влажен бран ќе ја зафати Македонија: Послаби врнежи од дожд ќе има и во Скопје и околината

Во склоп со длабокиот циклонски систем кој е со центар над северозападна Европа, во следните часови, најпрвин во западните, а потоа и во останатите предели од Македонија ќе има повремени врнежи од дожд со слаб до умерен, понекаде, особено во јужните предели и со умерен интензитет. Ветерот од јужен правец и понатаму ќе го има, но ќе биде со послаб интензитет и ќе го менува својот правец во југоисточен.За време на овој влажен бран, локално ќе наврнат над 15 литри дожд на метар крадратен, особено во јужните предели.Послаби врнежи од дожд ќе има и во Скопје и околината.Што се однесува до температурите, тие и понатаму остануваат натпросечно високи за овој период од годината и на повеќе места ќе надминуваат 10 степени, а во најтоплите централни и југоисточни предели тие ќе надминат и 15 степени.Натпросечното топло време ќе остане и во текот на следната сВедмица, но детална метео анализа за следната седмица следува во следните наши објави.

Македонија | пред 2 години

Следната седмица доста турбулентна на Балканот: можни температури до 25 степени

Следната седмица доста турбулентна на Балканот, од Африка ни следува продор на уште потопол воздух кој во некои делови ќе донесе температури дури и до 25 степени, сепак ќе има чести врнежи и тоа поради влијание на циклон со центар над Џенова…Инаку промената на времето започнува уште од овој викенд кога очекуваме врнежи кои најпрво ќе бидат локални, а повеќе врнежи ќе имаме во недела навечер и во текот на ноќта кон понеделник и тогаш тие ќе се прошират во поголем дел од Македонија. Снег ќе врне само на високите планини.За време на викендот ќе дува и засилен ветер од јужен и од југоисточен правец. Овој викенд ќе бидеме под влијание на длабок циклон со центар над северна и северозападна Европа.Температурите остануваат натпросечно високи, и на многу места тие ќе се искачуваат до околу, па и над 10 степени, додека во најтоплите централни и југоисточни предели тие ќе надминуваат 15 степени.

Македонија | пред 2 години

Попладне ќе биде облачно, а ќе има и ветер

Во северните и источните делови ќе има зголемена облачност, а во останатите делови ќе преовладува сончево со мала до умерена облачност. Ќе дува претежно северен ветер кој од пладневните часови наместа долж Повардарието ќе засилува.Во Скопје претпладне ќе има зголемена облачност, а потоа облачноста ќе се намалува. Ќе дува слаб до умерен северен ветер.Времето утреСончево со мала до умерена облачност и со слаб до умерен ветер од југоисточен правец.Во Скопје сончево со мала облачност. Ќе дува слаб југоисточен ветер.

Македонија | пред 2 години

Зимата се враќа во Македонија од 20 февруари?

„Според најновите ажурирања на нумеричките модели, силен удар на зимата, како и продор на поларна воздушна маса од Арктикот кон Балканот и Македонија се очекува од 20 февруари па во деновите потоа, секако со ова очекуваме и снег, температурите би биле континуирано под нулата, а наутро тие понекаде би се спуштале и под -15 степени“, вели метео-прогнозерот Славчо Поповски.Тој додава:„Секако после долг временски период, конечно еве една занимлива ситуација за следење за нас метеоролозите, а одлична вест за лубителите на зимата и за скијањето. Секако шансите за ова да се оствари се помали од 50%, и тоа се додека не се вклопат со оваа информација сите нумерички модели, но еден од најажурните нумерички модели токму од вечерва започна да го црта ова зимско сценарио. Понатаму многу повеќе детали, секако доколку не дојде до некои промени“.

Македонија | пред 2 години