Социјалната мрежа X, порано позната како Твитер, во средата се соочи со голем прекин во работата, при што корисници ширум светот пријавуваа проблеми со пристапот, најавувањето и вчитувањето на објави.Податоците на Даундетектор покажаа нагло зголемување на пријави. Според корисниците, веб-страницата и мобилната апликација повремено биле недостапни, а проблеми биле регистрирани во САД, Европа и делови од Азија.
Свет | пред 12 часа
Платформата X (поранешен Twitter) воведе нова поставка со која корисниците можат експлицитно да спречат нивните фотографии и видеа да се користат за обука или модификација од страна на AI-четботот Grok. Промената доаѓа по бран критики за приватност и по контроверзии околу создавање фотореалистични, но често проблематични визуелни содржини базирани на кориснички податоци.Иако мерката на прв поглед изгледа како победа за корисниците, аналитичарите предупредуваат дека решението има важни ограничувања. Клучната забелешка е дека станува збор за „opt-out“ пристап — дозволата е автоматски активирана, а корисникот мора сам да ја исклучи ако не сака неговите фотографии да бидат користени за „учење“. Дополнително, останува нејасно дали забраната важи и за постарите објави што можеби веќе биле индексирани и искористени во претходниот период.Практичниот проблем за дел од корисниците е и тоа што поставката најлесно се наоѓа преку десктоп верзијата, додека мобилните апликации на одредени системи може да доцнат со целосно ажурирање и појасно прикажување на новите контроли.За оние што сакаат веднаш да ја проверат и исклучат опцијата, патеката низ менито е јасно дефинирана: во „Settings and privacy“, потоа „Privacy and safety“, па „Grok“. Таму треба да се отштиклира полето што дозволува користење на вашите податоци и медиуми за обука на AI-моделот.Потегот се случува во време кога регулаторите во Европската Унија сè поостро пристапуваат кон големите технолошки компании поради начинот на кој се прибираат и се користат податоци за развој на вештачка интелигенција без јасен, информиран пристанок од корисниците.
Магазин | пред 1 седмица
Европската комисија покрена истрага против четботот за вештачка интелигенција „Грок“, развиен во рамки на платформата X, сопственост на Илон Маск, поради сомнежи за генерирање и ширење експлицитни содржини, вклучително и незаконски слики.Ова денеска го соопшти европратеничката Реџина Дохерти од Ирска, која во писмена изјава наведе дека истрагата ќе утврдува дали платформата X ги исполнила своите обврски согласно дигиталното законодавство на Европската унија. Посебен акцент ќе биде ставен на мерките за ублажување на ризици, управување со содржини и заштита на основните човекови права.Според Дохерти, случајот отвора сериозни прашања за тоа дали големите онлајн платформи навремено и соодветно ги проценуваат ризиците поврзани со примената на вештачката интелигенција и дали преземаат доволни мерки за спречување на ширење незаконска и штетна содржина.Европската комисија претходно информираше дека на платформата X биле споделувани слики на голи жени и деца генерирани со помош на вештачка интелигенција, оценувајќи ги како незаконски и длабоко вознемирувачки. Според европратеничката, овие случаи укажуваат на слабости во регулативата и практичната примена на правилата за новите технологии.„Европската унија има јасни правила за заштита на граѓаните на интернет. Тие правила мора да имаат реално значење во пракса, особено кога моќни технологии се применуваат во голем обем. Ниту една компанија што работи во ЕУ не е над законот“, порача Дохерти.Истрагата е дел од пошироките напори на Европската унија за построга контрола и одговорност на дигиталните платформи при користењето на вештачката интелигенција.
Магазин | пред 1 месец
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
