xiaomi

Redmi 12 наскоро во Европа, еве како изгледа

Брендот Redmi наскоро ќе претстави нов евтин телефон од својата гама.Тоа ќе биде Redmi 12, кој на тој начин ќе се приклучи на веќе претставениот Redmi 12C во серијата Redmi 12. Неодамна ги дознавме клучните детали за овој телефон, а сега е откриен и неговиот изглед и уште еднаш можната цена во Европа, поточно во некоја европска земја.Иако Redmi сè уште не објави кога официјално ќе го лансира овој телефон, португалската филијала на брендот го објави тоа на својата веб-страница. Не долго потоа, страницата беше отстранета, но корисникот на Твитер @kacskrz успеа да направи скриншот со детали за телефонот Redmi 12.Така, Redmi 12 ќе се напојува со MediaTek Helio G88 чип, поврзан со 8 GB RAM и 128 GB внатрешна меморија. Меморијата ќе може да се прошири со microSD картичка со капацитет до 1 TB.Redmi 12 ќе пристигне со 6,79-инчен IPS TFT екран, кој ќе има Full HD+ поддршка. Густината на пикселите на екранот ќе биде 396 ppi и ќе има заштита од Gorilla Glass 3. Стапката на освежување на екранот ќе биде 90 Hz. Телефонот ќе се напојува од батерија од 5000 mAh со поддршка за брзо полнење од 18 W, а полначот ќе пристигне во кутијата со телефонот.Назад има три камери поставени во триаголна положба. Главниот сензор е 50 MP, ултра-широк сензор од 8 MP и макро сензор од 2 MP. Димензиите на телефонот ќе бидат 168,60 mm × 76,28 mm × 8,17 mm, а неговата тежина е околу 199 грама.Што се однесува до цената на уредот, се наведува дека Redmi 12 ќе чини 209,99 евра во Португалија, но не е прецизирано за која мемориска конфигурација се работи.https://twitter.com/gsmarena_com/status/1664966925900992512?s=20

Магазин | пред 2 години

Xiaomi откри кога ќе го лансира својот најмоќен телефон на глобално ниво

Во април, Xiaomi го претстави телефонот Xiaomi 13 Ultra во Кина. Потврдено е дека водечкиот телефон на компанијата ќе пристигне и на другите светски пазари, а сега и официјално е познато кога ќе излезе на глобално ниво.Одбројувањето на официјалната веб-страница на компанијата покажува дека глобалното објавување на телефонот Xiaomi 13 Ultra ќе се случи на 8 јуни.https://twitter.com/stufflistings/status/1664477980993761281?s=20Неодамнешните извештаи сугерираат дека Xiaomi 13 Ultra ќе биде достапен во верзија од 12GB + 512GB за глобалниот пазар, кога станува збор за RAM и внатрешна меморија.Кога станува збор за цената, на европскиот пазар телефонот би можел да чини 1299 евра или 1499 евра, а ќе биде достапен во црна и зелена боја.Xiaomi 13 Ultra има 6,73-инчен AMOLED LTPO дисплеј во Quad HD+ резолуција, со поддршка за 120Hz и сензор за отпечатоци сместен под екранот.https://twitter.com/91mobiles/status/1664519575910621185?s=20Работи на верзијата на софтверот Android 13, со кориснички интерфејс MIUI 14. Сè се напојува со чипсет Snapdragon 8 Gen 2, во комбинација со LPDDR5x RAM и складирање UFS 4.0.Xiaomi 13 Ultra се напојува со батерија од 5000 mAh, со поддршка за брзо полнење од 90 W и безжично полнење од 50 W.Што се однесува до камерите, на задната страна е сместена главна камера од 50 MP со 1-инчен Sony IMX989 сензор, како и ултра-широки камери од 50 MP, телефото и 50MP перископски камери. На предната страна се наоѓа селфи камера од 32 MP.

Магазин | пред 2 години

Xiaomi спои професионална камера и телефон во едно

Концепт телефонот на кинеската компанија Xiaomi користи Leica објектив на задната страна.Компанија Xiaomi го претстави концепт телефонот кој дозволува прицврстување на Leica објектив од серијата M на неговата задна страна.Овој концепт се заснова на телефонот Xiaomi 12S Ultra чиј систем содржи 1-инчен сензор кој е значително поголем од оние кои обично се користат во телефоните и повеќе е во склад со оние што можеме да ги најдеме во компактните дигитални камери. Сепак, новиот телефон поседува уште еден таков сензор на својата задна страна, исклучиво наменет за користење со помош на објектив.Xiaomi објави видео во кое објаснува како функционира овој несекојдневен концепт. Кинескиот технолошки гигант веќе некое време соработува со компанијата Leica на зеднички развој на систем за камера, но во видеото се наведува дека преминувањето на објектив го претвора паметниот телефон во „професионален алат за фотографирање“ кој нуди предности како „автентично длабинско поле“ наместо софтверски функции зо заматена позадина, како што е Portrait режимот.Нема сомнежи дека ова е навистина интересен концепт. Со цел да се надмине релативно скромниот хардвер, производителите на телефони направија огромен скок со прифаќањето на софтверски решенија за подобрување на квалитетот, поради што се смета дека наскоро ќе ги престигнат DSLR камерите по квалитетот на фотографиите. Токму поради тоа и се поставуваше прашањето какви резултати би произвел паметен телефон кој користи хардвер од професионална камера.Нажалост, бидејќи е ова само концепт, Xiaomi нема во план да го пушти во продажба овој уред, а не е воопшто чудно оваа компанија да претстави интересно решение и потоа да остави засекогаш да остане само приказ на технолошките достигнувања, како на пример телефонот Mi Mix Alpha кој имаше екран намотан околу целиот уред.

Магазин | пред 3 години

Xiaomi ги претстави 12Т и 12Т Pro

Xiaomi официјално ги претстави моделите 12T i 12T Pro кои ќе се најдат и на европскиот пазар, а познато е и колку ќе чинат. Што ќе понудат двата модели на смартфони?Xiaomi 12T ProОвој модел привлекува големо внимание бидејќи е првиот телефон на Xiaomi со камера со резолуција од 200 MP, a има сензор ISOCELL HP1 на Samsung. Нема телефото леќи, но сензорот со голема резолуција поддржува дигитален зум 2Х, а може да снима и видео во 8К резолуција и HDR10+ снимки. Има оптичка стабилизација за долга експозиција, како и напредни функции за следење на очите и континиуран автофокус за следење на движење.Ултрашироката камера има резолуција од 8 МР, макро камерата е со 2 МР, а напред е сместена селфи камерата со резолуција од 20 МР.Дисплејот е AMOLED со големина на дијагонала од 6,67 инчи и резолуција од 1.220 х 2.712 пиксели, во формат 20:9 и фрекфенции на освежување кои може автоматски да се подесуваат помеѓу 30, 60, 90 и 120Hz.Овој уред има Snapdragon 8+ Gen 1 кој нуди одлични перформанси и ефикасност, има 8 GB LPDDR5 RAM и 128 GB UFS 3.1 интерна меморија во основната верзија, а достапни се верзии и со 8/256 GB и 12/256 GB.Батеријата е со капацитет од 5.000 mAh и поддржува до 120W брзо полнење, а од 0 до 100% се полни за само 19 минути.Во продажба ќе биде достапен од 13-ти октомври преку официјалните канали на Xiaomi, a верзијата со 8 GB RAM и128 GB внатрешна меморија ќе чини 750 евра.Xiaomi 12TНуди дисплеј и батерија со слични карактеристики како 12 Т Pro, а има Dimensity 8100-Ultra процесор и камера со резолуција од 108 MP, но не може да снима видео со 8К резолуција и нема фокус за следење на очите.Неговата продажба започнува на 13 октомври, а ќе чини 600 и 650 евра во зависност од верзијата.

Магазин | пред 3 години

Xiaomi Civi 2 наликува на iPhone 14 Pro поради еден детал

Вчера Xiaomi претстави копија од iPhone 14 Pro во Кина.Пилулата која се наоѓа на горниот дел од екранот на овој телефон крие две предни камери.Двете камери имаат сензори од 32 MP. Главниот сензор има поддршка за AF и отвор од f / 2.0, додека вториот е ултра широк сензор за групни селфи фотографии и нуди видно поле од 100 степени.https://twitter.com/TheGalox_/status/1574915046777438210?ref_src=twsrc%5Etfw%7Ctwcamp%5Etweetembed%7Ctwterm%5E1574915046777438210%7Ctwgr%5E0ffa8eaa5829c26767235d4fea87ef8702f55cc0%7Ctwcon%5Es1_c10&ref_url=https%3A%2F%2Fwww.b92.net%2Ftehnopolis%2Fgadgets%2Fxiaomi-civi-2-podseca-na-iphone-14-pro-zbog-jednog-detalja-2220084Civi 2 е првиот паметен телефон од Xiaomi кој има преден LED блиц. Овој блиц всушност има четири LED диоди, а Xiaomi вели дека може да дава реални бои во различни средини.Екранот на телефонот е 6,55 инчи, Full HD+ резолуција. Стапката на освежување на екранот е 120 Hz. Екранот поддржува Dolby Vision, HDR10+ и DCI-P3 опсег на бои.На задната страна, телефонот има правоаголен исечок во кој се наоѓа главниот сензор за камера од 50MP f/1.8 Sony IMX766, ултра широк сензор од 20MP со видно поле од 115 степени и макро сензор од 2MP f/2.4.Под капакот на телефонот се крие батерија со капацитет од 4500mAh со поддршка за брзо полнење од 67W.Xiaomi Civi 2 e со Qualcomm Snapdragon 7 Gen 1 и доаѓа во три конфигурации на меморија - 8/128 GB, 8/256 GB и 12/256 GB.Ќе биде достапен во четири бои – бела, розова, сина и црна, а почетната цена на телефонот Xiaomi Civi 2 во Кина е 2.399 CNY, што е околу 350 евра.Xiaomi не објави детали за меѓународната достапност, но постои можност телефонот да пристигне на глобално ниво под друго име или бренд.

Магазин | пред 3 години

Се појавија првите детали за новиот телефон Redmi Note 11 Pro

Xiaomi повремено објавува освежени верзии на постари телефони, а сега е откриено дека еден таков модел се подготвува за следната година – Redmi Note 11 Pro 2023.Станува збор за модел кој продолжува со овогодинешниот Redmi Note 11 Pro, но пристигнува со различен чипсет и различен систем на камера. Според извештаите, изданието за 2023 година ќе се напојува со чипсет Snapdragon 712.Snapdragon 712 не беше најимпресивниот чипсет ниту во 2019 година, кога се појави, а ќе биде уште помалку импресивен следната година. Сепак, може да биде конкурентен со некои други модели од средната класа.Се очекува Redmi Note 11 Pro 2023 да има систем на камера составен од главен сензор од 108 MP, ултра широк сензор од 8 MP, сензор за длабочина од 2 MP и макро камера од 2 MP.Телефонот треба да има и 6,7 инчен екран со резолуција од 2400 x 1080 пиксели. Екранот може да биде од типот AMOLED.Засега нема повеќе детали за моделот Redmi Note 11 Pro 2023, а вестите за телефонот се очекуваат да се појават во наредните месеци.

Магазин | пред 3 години

Xiaomi MIX Fold 2 е најавен како конкурент на преклопните телефони на Samsung

Xiaomi го претстави телефонот MIX Fold 2 со флексибилен дисплеј, само еден ден откако Samsung ги објави Galaxy Z Fold4 и Galaxy Z Flip4.Предност ќе има кинеската компанија со оглед на тоа што MIX Fold 2 ќе започне да се испорачува десет дена пред моделот Fold4 (16 август). Сепак, ќе биде достапен само за корисниците во Кина, а засега нема информации кога ќе стане достапен ширум светот.Ќе има три варијанти на телефонот Xiaomi MIX Fold 2: 12GB + 256GB, 12GB + 512GB и 12GB + 1TB варијанта. Дополнително ќе бидат достапни две бои - црна и златна.Кога станува збор за дисплејот, внатрешниот Eco² OLED главен екран е со димензии 8,02 инчи (120Hz LTPO 2.0, 2160 x 1914p), додека надворешниот AMOLED екран има димензии од 6,56 инчи (120Hz, 2520 x 1080p). Декориран е со Corning Gorilla Glass Victus заштита.https://twitter.com/Xiaomi/status/1557701512159191041?ref_src=twsrc%5Etfw%7Ctwcamp%5Etweetembed%7Ctwterm%5E1557701512159191041%7Ctwgr%5Ee8d8e9706b5a9d5c496b8e7705d49bce52455e0f%7Ctwcon%5Es1_c10&ref_url=https%3A%2F%2Fwww.b92.net%2Ftehnopolis%2Fgadgets%2Fxiaomi-mix-fold-2-najavljen-kao-konkurencija-samsungovim-preklopnim-telefonima-2196862Што се однесува до камерите, телефонот има главна камера од 50 мегапиксели, ултра широка камера од 13 мегапиксели, телефото од 8 мегапиксели и предна камера од 20 мегапиксели. Системот за камера е развиен во соработка со Leica.Xiaomi ја имплементираше Micro Waterdrop Hinge на телефонот, односно шарка која е прилагодена, користи издржлива легура MIM и други елементи за дополнителна издржливост.Телефонот е тенок само 5,4 милиметри кога е расклопен. Други карактеристики вклучуваат мултифункционален NFC, IR Blaster, симетрични звучници со звук Harman Kardon и поддршка за Dolby Atmos.Има батерија од 4500 mAh со поддршка за брзо полнење од 67 W, додека оперативниот систем MIUI Fold 13 е базиран на Android 12.Што се однесува до цените, Xiaomi MIX Fold 2 чини околу 1340 долари за основната варијанта (12GB + 256GB).https://twitter.com/Xiaomi/status/1557700633167372288?ref_src=twsrc%5Etfw%7Ctwcamp%5Etweetembed%7Ctwterm%5E1557700633167372288%7Ctwgr%5Ee8d8e9706b5a9d5c496b8e7705d49bce52455e0f%7Ctwcon%5Es1_c10&ref_url=https%3A%2F%2Fwww.b92.net%2Ftehnopolis%2Fgadgets%2Fxiaomi-mix-fold-2-najavljen-kao-konkurencija-samsungovim-preklopnim-telefonima-2196862

Магазин | пред 3 години

(ВИДЕО) Xiaomi 12S Ultra подобар од iPhone 13 Pro Max на тестот за игри

Неодамна, Xiaomi ја претстави серијата Xiaomi 12S во Кина. Беа претставени три модели, а најскап и најдобар од нив е Xiaomi 12S Ultra кој пристигнува со импресивни спецификации.Сега еден YouTuber го тестираше Xiaomi 12S Ultra, односно неговите перформанси за играње и телефонот се покажа како импресивен и во неколку категории го надмина дури и iPhone 13 Pro Max.YouTuber Golden Reviewer откри во својот тест дека Xiaomi 12S Ultra е подобар за играње игри во споредба со актуелниот најскап модел на Apple - iPhone 13 Pro Max. Xiaomi 12S Ultra беше пред сите уреди со Android и iOS.Секако, најголемата заслуга има новиот, неодамна претставен чип Qualcomm Snapdragon 8+ Gen 1. Јадрото Cortex X2 е оверклокирано од 3,00 GHz на 3,20 GHz, обезбедувајќи перформанси на процесорот до 10% повисоки од Snapdragon 8 Gen 1. Графичкиот процесор исто така е оверклокиран на до 10% подобри перформанси на графичкиот процесор во игрите. Qualcomm успеа да ја подобри енергетската ефикасност за дури 30%, што значи дека чипсетот троши помалку енергија, помалку се загрева и позитивно влијае на батеријата. Првите тестови покажуваат дека Snapdragon 8+ Gen 1 е одличен чип и дека Qualcomm повторно создаде чипсет кој е импресивен во сите сегменти.Екстремните тестови на телефонот Xiaomi 12S Ultra открија дека Xiaomi 12S Ultra е најдобриот телефон кога станува збор за емитување на бројот на слики, односно фрејмови во секунда (просечни 588 fps). Исто така, резултатите открија дека телефонот не се прегреал и дека во овој поглед е многу подобар од обичниот Snapdragon Gen 1. Така, Xiaomi 12S Ultra работел на температури од 42,3°C, што е една од најниските температури меѓу тестирани телефони.Само iPad Mini 6, со чипот A15 Bionic, испорача поголема стапка на слики во споредба со Xiaomi 12S Ultra, но не е паметен телефон, туку таблет, па така Xiaomi 12S Ultra е прв меѓу паметните телефони.

Магазин | пред 3 години