„Нестле“ и „Данон“ под истрага: Дали контаминираната храна за бебиња била повлечена предоцна?
Нестле и Данон повторно се соочуваат со критики поради начинот и брзината на повлекување на потенцијално контаминирана храна за доенчиња од европскиот пазар.На почетокот на годината, „Нестле“ повлече серии адаптирано млеко во неколку европски земји, меѓу кои и Хрватска, поради можна контаминација со цереулид – токсин што може да предизвика повраќање и дијареја.Компанијата соопшти дека изворот на контаминацијата било масло од арахидонска киселина, набавено од кинеската компанија Cabio Biotech од градот Вухан.Според медиумски извештаи од Франција, Белгија и Швајцарија, „Нестле“ наводно доцнела со информирањето на европските власти за присуството на цереулид во производите.Од компанијата ги отфрлија обвинувањата и соопштија дека биле „целосно транспарентни“ и дека соработувале со институциите од првиот ден.Во меѓувреме, Европската агенција за безбедност на храната предложи значително намалување на дозволеното ниво на цереулид во храна за доенчиња, со цел дополнителна заштита на бебињата.Франција веќе ја намали дозволената граница на оваа супстанца, а медиумите наведуваат дека се истражуваат и неколку случаи на смрт кај доенчиња, иако засега не е потврдена директна поврзаност со повлечените производи.
Свет | пред 5 дена