здрава котлина

Здрава Котлина: Претседателот на советот ја откажа седницата за рудникот без објаснување, па вербално нападна активистка

Ја известуваме јавноста дека денеска, 19.07.2023г. во 13 часот пред зградата каде што се одржуваат седниците на Совет на о. Босилово, дојдоа околу 50-ина активисти и борци против рудникот „Иловица-Штука“. Откако сите насобрани луѓе и советниците влеговме во просторијата пред официјално да почне седницата, со градоначалникот Ристо Манчев разговаравме за итната потреба да се донесат двете точки на Дневен ред и да се изгласаат. Едната точка обврзува на носење одлука за сите тековни и идни активности за истражување и експлоатација на металични минерални суровини, а другата за декларативен став на секој советник поединечно дали е против рудник, векат ид невладината организација Здрава котлина.„Од наша страна беше укажано дека првата точка е локален пропис и доколку се донесе како одлука на Советот, секојпат однапред ќе има важност за да се дестимулираат корпорциите што сакаат да ископуваат металични минерални суровини на територија на о. Босилово. Но доколку во иднина Министерството за економија побара мислење за нов конкретен проект, и доколку Советот (сегашен или следен) сака да даде негативно мислење може оваа одлука да ја искористи како алатка да се заштити и повторно да даде негативно мислење по однос конкретниот проект. Но доколку Советот сака да даде позитивно мислење по однос на евентуалниот конкретен проект, тогаш ќе мора да ја поништи оваа Одлука, па после да одлучува позитивно.Градоначалникот, кој се изјасни дека лично е против рудник, тврдеше дека оваа Предлог одлука е противзаконска. На база на тоа дали е законска или не, веднаш објаснивме дека откако ќе се изгласи Одлуката по регуларна процедура се праќа на Уставен Суд за утврдување на нејзината исправност и законитост, а со тоа и дека ќе немаме никакви правни последици. Дури и извршивме промена на спорните места, се’ со цел како не би оставиле ни малку простор за двосмисленост или евентуална правна недоследност.За втората точка работите се сосема јасни, советниците со цело право можат секој поединечно да го искажат својот став дали се против рудникот. Ова е декларативен став и има за цел да се даде јасен сигнал дека Советот на о.Босилово е на страната на жителите и дава силна поддршка против рудникот.Откако се договоривме на денешната седница да се поднесат точките за да може да се дискутираат и изгласаат, претседателот на Совет, Мито Андонов, објави пауза од 15 минути. Сите излеговме надвор и бевме во исчекување и во надеж дека барем точката за декларативен став против рудникот ќе биде ставена на Дневен ред и дека советниците недвосмислено ќе покажеме дека заземаме став против рудникот и ова ќе одекнеше силно, а богами и ќе го разбереа и „најголемите играчи“ кои се на страната на рудникот.НО...За време на паузата, некако дознавме дека седницата нема ни да започне! Претседателот Мито Андонов, без никаква консултација со советениците, самоволно решил воопшто да не ја започне седницата. Советникот и активист Стојан Велков бараше официјално објаснување и излагање пред Советот од страна на претеседателот, но тоа не се случи. Напротив, вратата од зградата беше заклучена, а клуч иако баравме, сепак не добивме, и сите советници кои останаа до крај немаа шанси да влезат и да одлучат што со седницата, која имаше за решавање и други приоритетни прашања. Народот беше бесен, затоа што беше изигран. Очигледно беше самоволието на претседателот Мито Андонов, од кој ќе бараме писмено официјално известување, но и одговорност за одлагање на седницата.На паузата, исто така, се случи инцидент! Имено, откако активистка Милена Зафирова извади телефон да го сними претседателот, тој вербално ја нападна и насилно сакаше да и’ го одземе телефонот од раката, при што телефонот падна на земјата. Сите на свој начин изреагиравме на таквиот недоличен и груб начин на решавање на работите и мислиме дека ова беше намерно направено за да се испровоцира поголем инцидент и да се има било каков изговор за одлагање на седницата. Но, и покрај целата тензија,активистите бевме прибрани и ненасилни, затоа што нашата цел е Советот конечно да се изјасни по прашањето за рудникот.А седница не добивме! Зарем не е противзаконски на таков начин да се одложи седницата?Уште сега најавуваме дека на следната седница на Совет повторно ќе има гости, и тоа во многу поголем број!Апелираме секој од советниците поединечено да размисли и да донесе лична одлука за тоа дали ќе застане на страната на рудникот или со својот став ќе се бори за здравјето на своите сопствени деца!Во меѓувреме, ситуацијата доправа ќе станува жешка, особено после дрската изјава на министерот за економија Крешник Бектеши, дека нема да ја повлечат одлуката за спојување на мртвите концесиите! За ова самоволие ќе имаме реакција утре.Борбата се заострува на секое поле!РУДНИК НЕМА ДА ИМА!“, стои во објавата.

Македонија | пред 2 години

Здрава Котлина до Груевски: Дојди ти Никола да живееш под таква брана наместо од Будимпешта да ни солиш памет со украдени милиони

Невладината организација Здрава Котлина на социјалните мрежи реагираше во врска со објавата на поранешниот премиер Никола Груевски.„Видовме што има напишано бившиот премиерот во бегство па еве да го потсетиме со прашања:1. Дали се сеќава Никола дека клучен услов, што е вметнат во самиот договор со број 24-6749/1 од 24.07.2012 во член 18 став 9 алинеа 6, при доделувањето на концесијата за експлоатација во 2012 беше концесионерот да побара и добие дозвола за експлоатација во рок од 2 години сметано од денот на потпишување на договорот?2. Знае ли Никола дека за неисполнување на такви услови во постапки каде им е дадено предимство пред другите фирми точно поради такви услови се раскинуваат договори и се обештетува државата, но има луѓе што лежат по затвори а не се шетаат по Будимпешта и управуваат од сенка преку посредници со мултимилионски фирми?3. Дали се сеќава Никола дека во 2014 концесионерот Фелпс Доџ Вардар им ја продаде концесијата на Еуромакс Ресурси за 1.5 милиони долари и поради тоа Владата каде тој беше премиер мораше да потпише три дополнителни договори (24-564/1 од 22.01.2014, 24-4563/1 од 23.09.2014 и 24-4170/1 од 22.06.2015) со Еуромакс за усогласување со првиот договор за концесија?4. Дали знае Никола дека согласно законот за минерални суровини член 47, став 15, при секој пренос на управувачки пакет над 51% се плаќа надомест од 7% од вредноста на концесијата на државата? Зошто не се наплатија тие надоместоци во 2014 година? Кој е одговорен за оштетување на буџетот?5. Дали се сеќава Никола дека во 2015 дал согласност за трето лице Ројал Голд (поврзани со Ротшилд Банка), кои се јавуваат како кредитен доверител на Еуромакс Ресурси, за воспоставување колатерален залог на концесијата на земјата во Иловица во случај Еуромакс Ресурси да банкротираат? Нека се потсети на што се однесува договорот со архивски број 24-4170/1 од 22.06.2015)6. Дали се сеќава Никола дека во 2016 кога Еуромакс Ресурси ја добива втората концесија бараат да се спојат двете концесии со исти услови како првата (воспоставување залог) и за среќа Никола одбива да ги спои концесиите. Затоа сега го прашуваме Никола зошто беше таа мотивација да не се спојат двете концесии во 2016?7. Е како бе Никола дури сега дозна дека наместо Фелпс Доџ Вардар било Еуромакс Ресурси?8. Како бе Никола ти текна дека на северот во Финска имало рудник и се било супер среде ледена тундра со густина на население помал од 1 на квадратен километар?9. Како бе Никола си дозволи да се скрие Студијата за влијание врз животна средина од 2012 и да имаме само 50 странички нетехничко резиме со ниво на семинарска работа? Архуската конвенција е флагрантно прекршена?10. Како бе Никола од најавувани 130 тони злато во 2012 паднаа на 78 тони во 2016? Големиот смок ли ги лапна или? А како од активни методи во консултантските извештаи на англиски јазик станаа пасивни методи во македонските извештаи? Разликата е во 2 милиони долари годишно за во наредните 300 години што државата ќе треба да ги плаќа за да чисти 20 литри во секунда киселина со Ph вредност помеѓу 2 и 3. Или пак како НАТО студиите и Институтот за земјотресно инжинерство даваат параметар за забрзување на почва од 0.6g а Еуромакс си скратиле на половина на 0.32g? Оти не градиме кенеф Никола, ами сакат да се гради највисоката брана на хидројаловиште во светот со 276 метри!!! Е не го напишале земјотресот во Кресна од 1904 година на само 40 км воздушна линија со синтни 7.8 Рихтери. Ама дојди ти Никола да живееш под таква брана наместо од Будимпешта да ни солиш памет со украдени милиони!!!Имаме ние уште прашања ама штета што работите излегоа од контрола па не успеавме да те прашаме пред да избегаш од Македонија“, стои во објавата.

Коментари | пред 2 години

Здрава Котлина повика на протест: Рудникот на смртта Иловица-Штука е зло кое мора да биде запрено

Невладината организација „Здрава Котлина“ испрати повик за протест против изградбата на рудникот Иловица-Штука.„ПовикДо сите свесни и совесни градоначалници, советници, пратеници од Југоисточна Македонија:Ова што се случуваше изминатите 7 години и она што ќе се случува во следните месеци е само рефлексија и одговор на севкупната состојба во државата која целосно се распаѓа во морето на криминал и корупција и за која одговорност пред се имаат политичките елити на секое ниво!Принудени сме да се браниме со сите расположливи средства и методи затоа што во Македонија веќе подолго време НЕ ПОСТОИ правен систем и правен поредок кој треба и мора да ги заштити граѓаните токму од вакви тешки злоупотреби на манипулативни и бескрупулозни функционери кои се целосно распуштени и без контрола, опиени од моќта поради контролата која ја имаат врз механизмите на власта.Рудникот на смртта Иловица-Штука е зло кое мора да биде запрено и тука сите сме на јасно освен оние што имаат намера да профитираат врз маката на сите жители во Југоисточна Македонија!Затоа испраќаме порака до сите, кратко и јасно:ОНОЈ КОЈ НЕМА ДА СЕ ПОЈАВИ И ДА ГО ПОДДРЖИ ПРОТЕСТОТ ПРОТИВ РУДНИКОТ НА СМРТТА ИЛОВИЦА-ШТУКА ОВАА САБОТА, ИЧ ДА НЕ СЕ МАЧИ ДА СЕ ПОЈАВУВА НА БИЛО КАКВИ ПОЛИТИЧКИ СОБИРИ ПОВЕЌЕ ВО ЈУГОИСТОЧНА МАКЕДОНИЈА!!!За оние што нема да се појават и да го поддржат протестот, ефектите за нив ќе бидат поразителни во политичка и морална смисла. Од постојано масовно и организирано повикување на одговорност секаде и секогаш, а особено во предизборна кампања, со отворена крајна цел да бидат одбележани како луди политички паразити кои го убиваат домаќинот што ги храни. Значи бетер од паразити! Оние што следат луди политики против здравјето и животите на граѓаните не смеат повеќе да бидат дел од некаква владејачка структура на било кое ниво!Не постои неутралност, не постои компромис, не постои ”не сам знајал/а”, не постои “оди си по крајчката”... Стига ни е од сите такви и слични!Постои само избор дали си за или против рудникот на смртта Иловица-Штука!Се гледаме во сабота 15ти ЈУЛИ 2023, со почеток во 11:00 пред Глобал во Струмица!РУДНИК НЕМА ДА ИМА“, стои во објавата.

Македонија | пред 2 години