Цените на нафтата денес забележаа пад на светските пазари, додека најголемиот дел од водечките европски берзански индекси тргуваа во позитивна зона.
Цената на нафтата од типот „брент“ се намали за 1,77 проценти и изнесуваше 98,652 долари за барел, додека американската сурова нафта WTI поевтини за 1,91 процент, на 89,537 долари за барел.
На европските берзи, германскиот индекс DAX порасна за 0,81 процент, францускиот CAC 40 за 0,25 проценти, а британскиот FTSE 100 за 0,23 проценти. За разлика од нив, московскиот индекс MOEX забележа пад од 2,61 процент.
Европските фјучерси за природен гас со испорака во август, со кои се тргува на берзата TTF во Амстердам, на отворањето достигнаа цена од 62,490 евра за мегават-час.
Во меѓувреме, цената на златото се намали на 4.044,23 долари за тројанска унца, додека пченицата поскапе и достигна цена од 7,0012 долари за бушел.
