Пакистанското Министерство за надворешни работи повика на максимална воздржаност по иранските напади врз Кувајт и Бахреин, оценувајќи дека најновата ескалација може сериозно да ги загрози дипломатските напори за стабилизација на регионот.
Во официјалното соопштение од Исламабад се наведува дека Пакистан се надева оти сите страни ќе се придржуваат до договорениот прекин на огнот и покрај неодамнешните тензии и воени дејствија.
„Ќе има сериозни пречки за постигнување договор доколку воената ескалација продолжи, а просторот за дијалог и дипломатија дополнително се стесни“, предупредуваат од пакистанското Министерство за надворешни работи.
Пакистанските власти нагласуваат дека и покрај загриженоста поради развојот на настаните, остануваат оптимисти во однос на можноста за политичко решение на кризата.
„Пакистан дејствува во дух на оптимизам и нема да ја изгуби надежта поради неодамнешните случувања“, се наведува во соопштението.
