Пакистански министер пристигна во Вашингтон

Пакистанскиот министер за надворешни работи, Исак Дар, пристигна во Вашингтон, каде што ќе се сретне со американскиот државен секретар Марко Рубио, во рамките на дипломатските напори за посредување меѓу САД и Иран.

— реклама —

Пакистан има клучна улога во посредничките активности меѓу Вашингтон и Техеран за време на конфликтот, а посетата на Дар е дел од тие напори.

— реклама —

Дар викендов разговарал и со американскиот претседател Доналд Трамп, при што разговорот го оценил како „значаен чекор поблиску до регионалниот мир“.

— реклама —

„Резултатите од овие преговори даваат причина за оптимизам дека позитивен и траен исход е на дофат“, изјави Дар.

— реклама —

Сепак, и покрај оптимизмот изразен во изминатите денови дека договорот е близу, двете страни во меѓувреме повторно разменија воени удари, што укажува дека ситуацијата и натаму останува неизвесна.