Пакистанскиот премиер во Доха во обид за примирје меѓу Иран и САД

Премиерот на Пакистан, Шехбаз Шариф, денеска пристигнува во Катар, каде ќе се сретне со катарскиот емир, шеикот Тамим бин Хамад ал Тани, во рамки на дипломатските напори за намалување на тензиите на Блискиот Исток.

— реклама —

— реклама —

Целта на посетата е да се придонесе кон постигнување долготраен прекин на огнот меѓу Иран и САД. Од кабинетот на пакистанскиот премиер соопштија дека Шариф ќе биде придружуван од висока делегација, што укажува на значењето на оваа дипломатска иницијатива.

— реклама —

— реклама —

Посетата се смета за продолжение на активната улога на Пакистан во посредувањето меѓу страните, во обид да се намалат тензиите и да се создадат услови за стабилизација на регионот.