Палел сува трева во нива, огнот се проширил и му го уништил автомобилот и се здобил со изгореници

74-годишен жител на тетовското село Палатица се здобил со изгореници откако се обидел да изгасне пожар во кој целосно изгорел неговиот автомобил „фолксваген голф“.

— реклама —

Според информациите од МВР, случајот бил пријавен на 20 октомври во 15:15 часот во СВР Тетово. Пожарот избувнал во нива покрај локалниот пат меѓу селата Палатица и Озормиште.

— реклама —

— реклама —

При увидот било утврдено дека сопственикот на возилото, М.С., ја чистел нивата со палење сува трева, по што огнот се проширил и го зафатил паркираниот автомобил. Од пожарот целосно изгореле возилото и дел од површината со сува трева.

Мажот бил пренесен во Клиничката болница во Тетово за укажување лекарска помош, а пожарот го изгаснала Територијалната противпожарна единица Тетово.