Ракетната батерија „Patriot“ поставена на грчкиот остров Карпатос ќе остане на островот сè додека не биде завршена модернизацијата на аеродромот, кој треба да овозможи долгорочно паркирање на борбени авиони на воздухопловните сили што ќе ја заменат, соопштиле извори од Министерството за одбрана на Грција.
Американскиот ракетен систем бил распоредeн на островот, како и уште еден во Дидимотихо, на североисточната копнена граница, на почетокот на американско-израелските напади врз Иран, со цел заштита од можни балистички закани.
На 18 мај, Советот за национална безбедност (KYSEA), предводен од премиерот Киријакос Мицотакис, најави повлекување на двата системи, повикувајќи се на „промена на геополитичките услови“.
Сепак, засега не постои конкретен временски план за нивно враќање, бидејќи сè уште не се започнати работите за модернизација на аеродромот на Карпатос.
Според изворите, министерството ќе мора да го организира и транспортот на системот по море до неговата нова локација.
Исто така, сè уште не е одлучено кои авиони ќе бидат распоредени на островот – првично се споменувале „Mirage 2000-5“, но не е исклучена можноста за „F-16“ авиони.
