Возачите кои во текот на јуни ќе патуваат кон Црногорското Приморје треба да сметаат на изменет режим на сообраќај на магистралниот пат Жабљак – Пљевља поради реконструкција на мостот Ѓурѓевиќ Тара.
Според најавите од црногорските власти, ограничувањата ќе бидат во сила од 1 до 30 јуни 2026 година. Мостот Ѓурѓевиќ Тара претставува една од клучните точки на патниот правец што го користат голем број туристи од регионот на пат кон Жабљак, Никшиќ и јадранскиот брег.
За товарните возила со носивост поголема од 3,5 тони е воведена целосна забрана за сообраќај до завршување на работите.
За патничките возила и автобусите ќе важи посебен режим, со целосни прекини на сообраќајот секој ден од 6 до 8 часот, од 10 до 12 часот и од 14 до 20 часот.
Надлежните информираат дека, во зависност од потребите на учесниците во сообраќајот, ќе биде овозможено пропуштање на возила во 7:00, 16:15 и 18:00 часот. Надвор од термините на забрана, сообраќајот ќе се одвива наизменично и согласно поставената сигнализација.
Во периодите кога сообраќајот ќе биде целосно запрен, возачите ќе можат да користат алтернативен патен правец преку Вруља и Мијаковиќи.
Од Управата за сообраќај апелираат до граѓаните навреме да ги планираат патувањата, да ги следат информациите за состојбата на патиштата и да ги почитуваат сообраќајните правила и привремената сигнализација.
