Градоначалникот на Охрид Кирил Пецаков преку статус на Фејсбук пишува дека екипи на паркови и зеленило го разчистуваат градот.
-Екипи на „Паркови и зеленило” генерално ја расчистија улица „Бистрица”, во населба Воска.
Со расчистување на ниската вегетација од тротоарите и дивата жбунеста вегетација е овозможено непречено движење на пешаците.
Темелно е расчистен и дворот на џамијата „Ѓурџи Беј” каде е отстранета дивата вегетација и е подигнат зелениот отпад.
Наша заедничка обврска со ЈП ,,Охридски комуналец” е тековно одржување на јавната чистота и јавното зеленило согласно пропишаната динамика, стои во неговиот пост на Фејсбук.
