Градоначалникот на Охрид, Кирил Пецаков, на социјалните мрежи објави фотографии од доделувањето на Наградата и Повелбата - „Св. Климент Охридски“.
„Го чествуваме Патронот на Охрид - „Св. Климент Охридски“
На свеченоста што се одржа во очи на големиот празник, ги доделивме највисоките општински признанија, Наградата и Повелбата - „Св. Климент Охридски“ - Патрон на Охрид.
Наградата за животно дело „Св. Климент Охридски“ - Патрон на Охрид се додели на академик проф. д-р Љупчо Коцарев, додека Повелби им се доделија на Мишо Јузмески - постхумно, Гордана Лолеска и Здружението „ЕКО - ФАП“.
Во рамки на чествувањето присуствував на традиционалната фото изложба на фотографскиот клуб „Охрид“, стои во објавата на Фејсбук.
