Пет деца од Велес однесени во „СОС Детско село“, родителите приведени за запуштање и малтретирање

Пет малолетни деца од Велес се извадени од семејниот дом и предадени на Центарот за поддршка на згрижувачки семејства „СОС Детско село“, откако полицијата и социјалните служби констатирале дека во домот немало основни услови за нивно живеење и одгледување.

— реклама —

Полицијата ги лишила од слобода Ѓ.Ш. (33) и 29-годишната С.Ш., двајцата од Велес, по претходна пријава за запуштање и малтретирање дете.

Полициски службеници и претставници на Центарот за социјални работи Велес извршиле увид во домот каде што престојувале родителите и нивните пет малолетни деца.

— реклама —

При увидот било констатирано дека немало основни услови за живот и одгледување на децата.

— реклама —

За случајот бил известен јавен обвинител, а со родителите бил извршен службен разговор.

Децата, во содејство со инспектор за малолетници и социјални работници, најнапред биле однесени во Општата болница Велес за да се утврди нивната здравствена состојба, по што биле предадени во „СОС Детско село“.

По целосното расчистување и документирање на случајот ќе бидат поднесени соодветни пријави.