Илјадниците посетители кои присуствуваа на концертот на Дејвид Гета во Скопје не предизвикале посериозни безбедносни проблеми, а целокупниот настан поминал во мирна атмосфера, информира Министерството за внатрешни работи.
Во текот на концертот биле регистрирани две нарушувања на јавниот ред и мир, по што полицијата привела пет лица.
Од МВР наведуваат дека немало поголеми проблеми при обезбедувањето на Арената „Тодор Проески“, ниту во сообраќајот околу објектот. Движењето на посетителите пред почетокот и по завршувањето на концертот се одвивало без значителни застои.
Полицијата го оценува настанот како исклучително мирен од безбедносен аспект, со оглед на големиот број присутни.
Според МВР, концертот завршил без посериозни нарушувања на јавниот ред и мир и без инциденти што би ја нарушиле безбедноста на посетителите.
