Петмина возачи приведени во Гостивар и Тетово: возеле без возачка дозвола, одземени четири возила

Полицијата во Гостиварско и Тетовско во текот на 30 септември привела повеќе лица при сообраќајни контроли поради управување возила без возачка дозвола или без положен возачки испит. Во еден од случаите, кај сопатник била пронајдена и марихуана.

— реклама —

На патот кон село Калиште, гостиварско, во 21:00 часот бил лишен од слобода 21-годишниот Д.А. од село Неготино. При контрола било запрено „БМВ“ со гостиварски регистарски ознаки, кое го управувал без возачка дозвола. Возилото било одземено.

Во истото време, во село Желино, тетовско, полицијата го привела 31-годишниот А.Б. од Долна Лешница. Тој управувал „Фолксваген голф“ со тетовски регистарски ознаки без возачка дозвола. Возилото било одземено.

— реклама —

На регионалниот пат Тетово–Скопје, во 19:30 часот бил лишен од слобода 31-годишниот С.Р. од скопско Сарај. При контролата било утврдено дека го управувал „Фолксваген голф“ без положен возачки испит. И ова возило било одземено, а против него ќе следува соодветен поднесок по член 297-а од Кривичниот законик.

— реклама —

Во 21:10 часот на улицата „Браќа Ѓиноски“ во Гостивар бил приведен 24-годишниот Д.М. од Чајле, кој управувал „Форд мондео“ без возачка дозвола. Возилото било одземено, а при преглед кај неговиот 21-годишен сопатник Е.А. од Чајле била пронајдена марихуана. И тој бил лишен од слобода.

На локален пат кон село Здуње, гостиварско, во 09:20 часот полицијата го привела 48-годишниот Џ.М. од Гостивар, кој бил затекнат како управува товарно „Рено“ без возачка дозвола. Возилото било одземено, а лицето било задржано во полициска станица.

Од МВР информираат дека по целосното документирање на случаите ќе следуваат соодветни поднесоци, а за случајот на регионалниот пат Тетово–Скопје е најавен поднесок по член 297-а од Кривичниот законик.