Петрушевски: СДСМ и Филипче наместо критики, шират лаги и демагогија

Пратеникот на ВМРО-ДПМНЕ, Петрушевски, реагираше дека СДСМ и претседателот Венко Филипче наместо да бидат кредибилна опозиција и коректив на власта, се занимаваат со изборни процеси во други држави, на кои, како што рече, нивните сестрински партии освојуваат минимална поддршка.

— реклама —

Тој оцени дека наместо реформи, аргументирани критики и предлози, од СДСМ доаѓаат „лаги, демагогии и празни флоскули“, обвинувајќи дека партијата се фокусира на надворешни политички процеси.

— реклама —

„СДС и Филипче наместо да бидат кредибилна опозиција и коректив на власта, се занимаваат со избори во друга држава на кои сестринските партии им освојуваат 1% од гласовите“, стои во реакцијата.

Петрушевски додаде дека СДСМ треба да се фокусира на сопствената внатрешна состојба, прашувајќи зошто дел од поранешните и сегашните функционери се дистанцираат од партијата.

— реклама —

Тој исто така наведе дека СДСМ и Филипче треба да одговорат зошто нивните сестрински партии имаат слаб изборен резултат, оценувајќи дека тоа е показател за нивната политика.

— реклама —

Во завршницата на реакцијата се наведува дека, како што тврди, со ваквите политики СДСМ се движи кон маргинализација на политичката сцена.