Педесет и двегодишен маж е уапсен откако, управувајќи возило под дејство на алкохол, ја пробил главната влезна капија на воена база во Аргос Орестико, во северниот дел на Грција.
Инцидентот се случил во саботата, а според надлежните, при несреќата немало повредени лица. Воениот персонал кој бил на должност на влезот во базата за малку избегнал да биде удрен од возилото.
Според грчкиот државен радиодифузер ЕРТ, возачот не успеал навреме да намали со брзината, по што со автомобилот ја урнал безбедносната рампа и влегол во објектот.
Надлежните органи спроведуваат истрага за утврдување на сите околности под кои се случил инцидентот.
