(Видео) Пијан возач со автомобил влетал во полн ресторан во Солун, повредени три лица

Три лица се повредени откако 45-годишен возач со автомобил удрил во стаклениот излог на угостителски објект во населбата Евосмос, во Солун.

— реклама —

Според информациите на грчкиот медиум ЕРТ, повикувајќи се на полицијата, возачот изгубил контрола над возилото, излетал од коловозот и удрил во локалот.

— реклама —

При алкотестирањето било утврдено дека 45-годишникот управувал со автомобилот под дејство на алкохол.

Во несреќата биле повредени тројца гости во угостителскиот објект, а на локалот била причинета материјална штета.

— реклама —

Возачот е уапсен и ќе биде изведен пред надлежните правосудни органи.