Пијанист паднал од крузер и преживеал девет часа во Тихиот Океан, го спасиле рибари

Неверојатна спасувачка акција се случила во Тихиот Океан, каде што пијанист кој паднал од крузер бил пронајден по девет часа поминати во водата, на околу 32 километри од брегот на Калифорнија.

— реклама —

Мажот го забележале двајца рибари во близина на островот Каталина во петокот. Грант Гарет и Шон Нортон веднаш го запреле својот брод за да му помогнат.

— реклама —

Според нивните сведоштва, спасениот маж им кажал дека е пијанист и дека патувал со крузерот „Овација на морињата“ на компанијата „Ројал Карибијан“.

— реклама —

Американската крајбрежна стража соопшти дека мажот, чиј идентитет не е објавен, бил пренесен во болница во стабилна состојба.

— реклама —

Според проценките на спасувачките екипи, тој паднал во морето околу 2:30 часот наутро, а бил забележан дури девет часа подоцна. Во моментот кога бил пронајден, се наоѓал на оддалеченост од 24 до 32 километри од брегот.