Пленковиќ бара објаснување од Студентската листа: Не знаеме за што се залагаат

Хрватскиот премиер Андреј Пленковиќ забележал дека во изборната ноќ на 25 октомври, на прославата на победата на Студентската листа, воопшто немало европски знамиња.

— реклама —

Пленковиќ порача дека претставниците на Студентската листа, кога ќе ја преземат одговорноста, ќе мора да објаснат за што се залагаат.

— реклама —

„Искрено, мислам дека никој навистина не знае многу од ставовите на новата власт во Србија. Бидејќи беа многу паметни и не зборуваа премногу пред изборите, што тактички можам да го разберам. Но, сега, кога ќе ја преземат одговорноста, мора да објаснат за што се залагаат. Она што беше впечатливо за сите набљудувачи е дека во изборната ноќ воопшто немаше европски знамиња. Ниту едно. Ниту едно“, изјави денеска Андреј Пленковиќ на Самитот за проширување, коментирајќи ја победата на Студентската листа.

— реклама —

Тој објасни дека „тоа не е нешто што би можело да се опише или сфати како многу силно проевропско движење“.

— реклама —

„Слушајќи ги коментарите на граѓаните на Србија, тоа повеќе изгледаше како движење за слобода, што заслужува почит. Но, мораме детално да ја разгледаме суштината на нивната европска политика. Претпоставувам дека треба да им дадеме малку време“, рече Пленковиќ.