По 11 години застој: Охрид конечно ќе добие затворен базен, обезбедени 470 милиони денари

По речиси 11 години застој, затворениот базен во Охрид конечно ќе биде завршен и ставен во функција, информира министерот за спорт Борко Ристовски.

Тој објави дека Владата на денешната седница ја усвоила точката со која се овозможува продолжување и конечно завршување на изградбата на затворениот базен во Охрид. За целосно завршување на објектот обезбедени се 470 милиони денари.

— реклама —

Ристовски истакнува дека проектот претставува инвестиција во младите, спортистите и развојот на пливањето, како и во иднината на спортот во Охрид и во државата.

Со завршувањето на базенот, спортистите ќе добијат современи услови за тренинг, младите категории простор за развој, а Охрид ќе создаде услови за организирање натпревари и понатамошен развој на спортот.

— реклама —

„Не сакаме капитални спортски објекти да стојат со години и да чекаат. Сакам да ги гледаме завршени и ставени во функција“, наведува Ристовски.

— реклама —

Министерот изрази благодарност до премиерот Христијан Мицкоски и Владата за поддршката и определбата за инвестирање во спортот и спортската инфраструктура.

„Охрид заслужува затворен базен. Охрид ќе го добие“, порача Ристовски.