По новиот бран мигранти, повторно во фокусот спорот меѓу Шпанија и Мароко

Новиот бран мигранти што минатата недела ги погоди шпанските енклави Сеута и Мелиља повторно ги отвори прашањата за нивната безбедност и ги зголеми стравувањата во Мадрид поради долгогодишните територијални претензии на Мароко, пренесува „Политико“.

— реклама —

Според медиумот, масовните обиди за преминување на границата предизвикале загриженост дека миграцијата би можела да се користи како средство за политички притисок врз Шпанија, особено во време кога се поставуваат прашања за поддршката што Мадрид може да ја очекува од НАТО и Европската Унија.

— реклама —

Мароко со децении тврди дека Сеута и Мелиља се територии под шпанска окупација, додека шпанската министерка за одбрана Маргарита Роблес категорично порача дека за суверенитетот на двата автономни града нема да се преговара.

Во Шпанија повторно се споменува и можноста за сценарио слично на „Зелениот марш“ од 1975 година, кога масовната мобилизација на Мароканци придонесе за повлекување на Шпанија од Западна Сахара.

— реклама —

Во 2021 година околу 8.000 мигранти влегоа во Сеута откако мароканските безбедносни сили се повлекоа од граничната линија, што предизвика дипломатска криза меѓу двете земји.

Од шпанското Министерство за надворешни работи повторија дека шпанскиот статус на Сеута и Мелиља не е предмет на преговори и дека нивниот суверенитет е неспорен и признат според меѓународното право.