По пет години пауза, Македонија повторно на Евровизија: Ќе има и нов начин за избор на претставникот

Македонија по петгодишна пауза повторно ќе застане на евровизиската сцена. Нашата земја официјално ќе учествува на 71-вото издание на музичкиот натпревар, кој ќе се одржи во Бургас.

— реклама —

Македонската делегација ќе ја предводат Јана Бурческа и Александра Јовановска, а од МРТ најавуваат поинаков пристап во организацијата и изборот на претставникот.

Директорот на МРТ, Зоран Ристоски, посочува дека јавниот сервис добива поддршка од ЕБУ за промоција на македонските културни вредности. Воедно, се очекува и поповолен пакет за повторното учество на Македонија на натпреварот.

— реклама —

Промени ќе има и при изборот на македонскиот претставник. Според Ристоски, досегашната практика на нетранспарентен избор ќе биде прекината, а јавноста ќе има увид во тоа како е донесена одлуката и зошто токму одбраниот кандидат ќе ги брани македонските бои.

— реклама —

Кој ќе ја добие можноста да ја претставува Македонија во Бургас сè уште не е познато.

Во пресрет на враќањето, организаторите на Евровизија објавија видео на официјалниот профил на Инстаграм, во кое се потсетуваат досегашните македонски учесници. Со видеото на Македонија ѝ посакаа повторно добредојде на музичкиот натпревар.

View this post on Instagram