По повтореното гласање на 53 избирачки места во Србија, Студентската листа освои 53 отсто од гласовите, листата на Вучиќ доби 38,98

По повтореното гласање на 53 избирачки места, Студентската листа освои 53,01 отсто од гласовите на предвремените парламентарни избори во Србија, додека листата „Александар Вучиќ – Обединета Србија“ доби поддршка од 38,98 отсто од гласачите.

— реклама —

Републичката изборна комисија ги објави конечните податоци од сите 8.392 избирачки места. Според нив, листата „Ивица Дачиќ – Фактор на стабилност“ освоила 2,13 отсто од гласовите, додека останатите изборни листи добиле значително помала поддршка.

— реклама —

На изборите гласале 4.444.310 граѓани, односно 68,89 отсто од запишаните избирачи.

Повтореното гласање се одржа на 53 избирачки места, на кои претходно резултатите не можеле да бидат утврдени или гласањето било поништено. Од нив, на 31 место резултатите не можеле да се утврдат, додека на 22 места гласањето било поништено со одлуки на надлежните изборни комисии.

— реклама —

Право на глас на повтореното гласање имале 24.438 граѓани, а избирачките места биле отворени од 7 до 20 часот.

— реклама —

На предвремените парламентарни избори во Србија, одржани на 25 октомври, учествувале 18 изборни листи. По првичната обработка на 8.338 од вкупно 8.392 избирачки места, Студентската листа имала 53,04 отсто, а листата на Вучиќ 38,97 отсто од гласовите.