По разорните потреси во Венецуела, силен земјотрес со јачина од 7,2 степени го погоди и Јапонија

Силен земјотрес со јачина од 7,2 степени според Рихтеровата скала ноќеска го погоди регионот Тохоку во североисточниот дел на Јапонија, при што најмалку четири лица се повредени, соопштија Јапонската метеоролошка агенција и локалните противпожарни служби.

— реклама —

Според официјалните информации, по земјотресот не е издадено предупредување за цунами.

— реклама —

Епицентарот бил регистриран во близина на брегот на префектурата Ивате, на длабочина од околу 50 километри.

Енергетската компанија „Тохоку електрик пауер“ информираше дека земјотресот не влијаел врз работата на нуклеарните централи Онагава и Хигашидори.

— реклама —

Поради потресот, компанијата „Источнојапонска железница“ привремено го запрела сообраќајот на дел од возовите.

Овој земјотрес следува само неколку часа по двата силни потреси што ја погодија Венецуела, каде беа урнати десетици објекти, а бројот на загинати и повредени постојано расте. Првиот земјотрес во Венецуела беше со јачина од 7,5 степени, а вториот достигна 7,2 степени според Рихтеровата скала.