Почнува итна вакцинација на овците и козите, пристигнаа 400.000 дози вакцини од Турција

На аеродромот во Скопје денеска пристигнаа 400.000 дози вакцини против сипаници кај овците и козите, обезбедени од Република Турција, информираат од Агенцијата за храна и ветеринарство (АХВ).

— реклама —

Со пристигнувањето на вакцините се создадени услови за започнување на итната вакцинација на овците и козите на целата територија на државата.

— реклама —

— реклама —

Од Агенцијата посочуваат дека вакцинацијата ќе се спроведува согласно Планот за итна вакцинација, одобрен од Европската Унија.

— реклама —

„Здравјето на животните и заштитата на сточниот фонд остануваат наш врвен приоритет“, наведуваат од АХВ, додавајќи дека продолжуваат со конкретни мерки и активности во интерес на сточарите и македонското сточарство.