Младата жена и мајка на две малолетни деца, Елизабета Бабунска од Скопје, чија приказна лани ја трогна јавноста и за која се собираа средства за лекување во странство, ја изгуби битката со болеста, пишува „Фокус“.
Веста дека Бабунска починала ја објави вчера Отец Оливер Петровски од организацијата Свети Спас, кој порача дека таа вечно ќе остане во спомените.
На Елизабета (42) и беше дијагностициран рак на желудник, а се собираа донации за нејзино лекување на клиника во Турција. Во потресно интервју од лани, таа раскажуваше како децата ја прифатиле веста за нејзината болест, за лошите лекарски прогнози, но и за нејзината решителност ќерката и синот да и пораснат со мајка.
