Легендарната британска пејачка Бони Тајлер, најпозната по хитовите „Total Eclipse of the Heart“, „Holding Out for a Hero“ и „It's a Heartache“, почина на 75-годишна возраст во болница во Португалија, соопштија нејзиното семејство и тим.
Во официјалното соопштение се наведува дека Тајлер починала по болест поради која подолг период се лекувала во Португалија. Нејзиното семејство побара приватност во овие тешки моменти.
Пејачката, родена како Гејнор Хопкинс во Велс, во април беше итно оперирана поради перфорирано црево. По операцијата беше ставена во индуцирана кома, а иако подоцна се разбуди, нејзината здравствена состојба се влоши поради компликации.
Бони Тајлер светска слава стекна во 1983 година со песната „Total Eclipse of the Heart“, која стана еден од најпродаваните синглови на сите времиња. Во текот на повеќедецениската кариера имаше бројни хитови, меѓу кои „Holding Out for a Hero“ и „It's a Heartache“, а беше номинирана и за неколку награди „Греми“.
По веста за нејзината смрт, бројни музичари и јавни личности ѝ оддадоа почит, истакнувајќи дека зад себе остави богато музичко наследство и песни кои и денес се сметаат за безвременски класици.
