Починал по пад од 21 метар: Уште една сомнителна смрт на руски бизнисмен

Телото на 87-годишниот Вјачеслав Леонтив, познат руски медиумски магнат и поранешен директор на издавачката куќа „Правда“, било пронајдено под прозорецот на неговиот стан во Москва. Според првичните информации, Леонтив наводно паднал од висина од 21 метар.

— реклама —

Руската полиција спроведува истрага, но засега нема докази кои би укажале на насилна смрт.

Рускиот новинар Андреј Малгин ја прокоментирал „чудната смрт“ со зборовите:

— реклама —

Падовите од прозорци продолжуваат...“

„Многу знаеше за ‘партиските пари‘ – издавачката куќа ‘Правда‘ беше најпрофитабилното претпријатие во деловната империја на Централниот комитет на Комунистичката партија на Советскиот Сојуз“, изјавил тој.

— реклама —

Истиот извор наведува дека постојат непотврдени информации според кои Леонтив имал здравствени проблеми.

Во последните неколку години, во Русија се забележани повеќе мистериозни смртни случаи на високи менаџери и бизнисмени. Последниот таков случај се случил во јули оваа година, кога заменик-претседателот на компанијата Транснефт, 62-годишниот Андреј Бадалов, починал по пад од зграда во елитната московска населба Рубљовка.

— реклама —