По речиси три години од сообраќајката во која загинаа Шабан Шаулиќ и Мирсад Кериќ, а Слободан Стојадиновиќ се здоби со тешки телесни повреди, целиот случај ќе го добие својот судски епилог.
Рочиштето на кое Турчинот, Алсин Левент првпат ќе биде изведен пред лицето на правдата е закажано за 20 јануари.
Целото семејство Шаулиќ ќе оди во Германија, а ова ќе биде првпат да се сретне лице в лице со човекот кој го уби Шабан, а Гордана Шаулиќ за сето ова рече:
- Веруваме во судот во Германија и се надеваме на максимална казна, но колку и да е осуден, ништо не може да ни ги врати сопругот, таткото и дедото Шабан или да ја намали тагата и болката што ја чувствуваме. Двете семејства се завиени во црно и ќе живеат со него засекогаш.
Германец со турско потекло, роден во Гитерслоу, е обвинет за двојно убиство од невнимание, нанесување телесна повреда од невнимание, како и опасни дејствија во сообраќајот и возење без возачка дозвола. Според Окружниот суд, тој се изјаснил за виновен.
Да потсетиме, Шабан Шаулиќ и неговиот клавијатурист Мирсад Кериќ починаа на 17 февруари 2019 година. Спасувачките екипи биле известени за несреќата утрото во 6 часот и 50 минути. До 9 часот и 30 минути патот беше непрооден, бидејќи пожарникарите два часа ги извлекуваале од автомобилот.
Како што подоцна било констатирано, Алсин Левент на денот на несреќата возел без возачка дозвола, а бил и пијан. Како што е утврдено, Левент возел со брзина од 160 км/ч, на место каде што тогаш било дозволено да се вози 80 км/ч.
