Подобрена состојбата на Македонецот повреден во Турција: Почна да се храни нормално, започна и физикалната терапија

Момчето кое се здоби со сериозни повреди на ’рбетниот столб за време на летувањето во Турција е во стабилна состојба и има подобрување на општата состојба, информира директорот на Клиниката за трауматологија, Игор Мерџаноски.

Иако вчера имало покачена температура, направените анализи не покажале знаци на инфекција. Според Мерџаноски, најверојатно станува збор за реакција поврзана со транспортот и операцијата што била извршена во Турција.

— реклама —

„Виталните параметри се добри. Вчера имаше зголемена температура, направени се тестови, тестовите се негативни за каква било инфекција, најверојатно е од самиот транспорт и од операцијата што е направена. Од денес е почнато да се храни преку уста, така што имаме подобрување во општата состојба. Физиотерапевтите што се наоѓаат во единицата за интензивно лекување веќе почнуваат да работат со пациентот“, изјави Мерџаноски.

— реклама —

Директорот на Клиниката потсети дека ваквите повреди почесто се случуваат во летниот период, особено при скокање во вода без претходно да се провери нејзината длабочина или присуството на камења. Таквите несреќи можат да предизвикаат сериозни повреди на ’рбетниот столб, траен инвалидитет, па дури и смрт.

Мерџаноски посочи и дека во текот на летото се регистрираат сериозни повреди кај градежни работници кои работат на високи температури, како и кај повозрасни лица кои колабираат поради топлината и при падовите се здобиваат со скршеници.

— реклама —

„Имаме доста пациенти кои паѓаат на работа, се градежни работници кои паднале, имаме пациенти кои возат возило, колабираат од топлината. Така што, има доста пациенти кои колабирале и се паднати, а настанале фрактури, тоа се повозрасни пациенти“, вели Мерџаноски.

— реклама —

Момчето се повредило за време на летувањето во Кушадаси, Турција, каде што било итно оперирано. По операцијата, со владин авион било префрлено во Македонија и веднаш било хоспитализирано на Клиниката за трауматологија.

Млад Македонец со сериозна повреда на ’рбетниот мозок е успешно транспортиран од Турција во Македонија

Млад македонец со сериозна повреда на ’рбетниот мозок е успешно транспортиран од Турција во Македонија, информираат од Министерството за здравство.Пациентот се здобил со повредата при несреќа на тобоган за време на одмор во Кушадаси. На 23 јули му била извршена хируршка интервенција во локална болница, каде што бил задржан на лекување до транспортот во земјава.Поради сериозноста на повредата и препораката на турските лекари, Министерството за здравство во координација со Владата, Службата за опш

Македонија | пред 1 месец