Погодена електрана во Кувајт во ирански напад, дел од капацитетите се надвор од функција

Електрана и постројка за десалинизација на вода во Кувајт биле погодени во ирански напад, при што биле оштетени делови од објектите, избувнал пожар, а голем број производствени единици биле ставени надвор од функција.

— реклама —

Кувајтските власти соопштија дека пожарникарите брзо го локализирале пожарот, додека техничките екипи започнале со процена на штетите, обезбедување на електраната и активности за што побрзо повторно пуштање во работа на погодените производствени капацитети.

— реклама —

Министерството за електрична енергија, вода и обновливи извори на енергија соопшти дека се работи на нормализирање на состојбата.

— реклама —

Во меѓувреме, Иран објави дека извршил нови напади врз американски објекти на Блискиот Исток, вклучувајќи го и првиот директен напад во Сирија, по шестата последователна ноќ на американски напади врз ирански воени цели.

Иранската војска рано утринава соопшти дека нападнала американски објекти во Бахреин и Кувајт.