„Погрешија што се откажаа од руската нафта“ – Новак предупредува и на нов раст на цените

Сè повеќе политичари и земји во светот признаваат дека направиле грешка со откажувањето од руската нафта и нафтените деривати, изјави рускиот вицепремиер Александар Новак. Тој истакна и дека испораката на гас преку гасоводот „Северен тек“ би можела да продолжи доколку европските партнери го посакаат тоа.

— реклама —

На маргините на конференцијата „Руска енергетска недела“, Новак изјави дека оштетените делови од гасоводите би можеле да бидат обновени доколку се донесат соодветни одлуки.

„Во моментов, три од четирите гасоводи не се во функција поради терористички напади и експлозии. Еден гасовод остана недопрен и може да продолжи да испорачува гас. Тоа зависи од потрошувачите, од нашите европски колеги“, рече Новак, пренесуваат РИА Новости.

— реклама —

Тој предупреди дека продолжувањето на тензиите во Ормускиот Теснец би можело дополнително да ги зголеми цените на нафтата.

— реклама —

Според Новак, снабдувањето преку Ормускиот Теснец сè уште не е обновено, нестабилноста на пазарот е висока, а цените остануваат високи.

„Пазарот чека состојбата да се подобри, но ако оваа ситуација продолжи, сметам дека цените дополнително ќе пораснат“, истакна рускиот вицепремиер.

Тој додаде дека глобалниот пазар на нафта досега изгубил 2,2 милијарди барели поради кризата на Блискиот Исток. Според неговата проценка, доколку Ормутскиот Теснец повторно се отвори, на глобалниот пазар на нафта ќе му бидат потребни од 12 до 18 месеци за да се воспостави рамнотежа.