Пратеникот на ВМРО-ДПМНЕ, Сергеј Попов, изјави дека економските политики на Владата даваат резултати и дека покрај јавниот, се намалува и државниот долг.
Според него, заклучно со 30 јуни 2026 година, државниот долг изнесува 9 милијарди и 432 милиони евра, односно 51,7 проценти од бруто-домашниот производ, што претставува намалување за 41 милион евра во однос на претходниот месец.
Попов истакна дека, покрај тоа, јавниот долг во вториот квартал од годинава се намалил на 58,8 проценти од БДП и оцени дека тоа е показател за одговорно управување со јавните финансии.
Тој нагласи дека, според ВМРО-ДПМНЕ, економијата бележи стабилизација и раст, посочувајќи дека БДП седум квартали по ред расте со стапка од три или повеќе проценти, додека инфлацијата, како што рече, е меѓу најниските во регионот и изнесува 3,4 проценти.
Од ВМРО-ДПМНЕ порачаа дека Владата ќе продолжи со политики насочени кон стабилизирање на јавните финансии, економски развој и подобрување на животниот стандард на граѓаните.
