Полицаец предводел банда крадци на бакарни кабли од фабриката ,,Железара”

Министерството за внатрешни работи информира дека полицаецот со иницијали Н.А. од Скопје, вработен во Полициската станица Аеродром, е обвинет за тешка кражба. Според МВР, Н.А. заедно со три лица украл бакарни кабли од поранешна фабрика во Скопје во периодот од јануари до мај оваа година.

— реклама —

— реклама —

Основното јавно обвинителство Скопје донесе Наредба за спроведување истражна постапка поради основано сомнение за дејствијата од делото Тешка кражба од член 236 став 4 во врска со став 1 точка 1 од Кривичниот законик, извршена во кругот на фабриката „Железара“ во Скопје.

— реклама —

— реклама —

Лицата се товарат дека од објектот на „Полуконти –ИГМ“ и подземните тунели низ кои поминуваат кабли за напојување со електрична енергија одзеле повеќе километри високоенергетски и среднонапонски кабли во сопственост на оштетените правни лице АД ЕСМ – Електрани на РСМ – Подружница енергетика Скопје и МакСтил АД Скопје во вкупна вредност од околу 440 илјади евра.