Полицијата со едукативни акции против насилство на спортски натпревари

Полициски службеници од Полициската станица Гостивар и Отсекот за превенција при СВР Тетово денеска одржаа едукативни предавања во средните училишта во Гостивар, насочени кон спречување на насилство и говор на омраза на спортските натпревари.

— реклама —

Предавањата се реализираа под мотото „Навивањето нека биде поддршка, а не навреда – спортот обединува“, при што учениците беа информирани за последиците од ваквото девијантно однесување и начините за негова превенција.

— реклама —

— реклама —

Паралелно, полициски службеници од ПС БПС Велес, како и од полициските станици во Штип, Берово, Кочани и Пробиштип, спроведоа превентивни активности насочени кон подобрување на безбедноста во сообраќајот.

— реклама —

На граѓаните им беше укажано на значењето од почитување на сообраќајните правила и прописи, со цел намалување на бројот на сообраќајни несреќи и зголемување на безбедноста на патиштата.