Полски автобус се преврте на автопат во Унгарија: 12 лица загинаа, десетина повредени

Најмалку 12 лица загинаа, а десетина се повредени откако полски автобус рано утрово излетал од автопатот М3 во источна Унгарија и се превртел во канал. Несреќата се случила во близина на местото Мезокерестеш.

— реклама —

Според унгарската државна агенција МТИ, во автобусот имало 57 патници и двајца возачи. Возилото се движело во правец на Њиреѓхаза кога, од засега непознати причини, излетало од коловозот на рамен дел од автопатот и се превртело.

— реклама —

— реклама —

Полицијата соопшти дека првичните информации укажуваат оти возачот најверојатно заспал додека управувал со автобусот. Тој бил приведен, а повредените лица се пренесени во болница.

— реклама —

Унгарскиот премиер Петер Маѓар изрази сочувство до семејствата на загинатите и им посака брзо закрепнување на повредените.