Утринава најниска минимална температура е измерена на Попова Шапка, каде живата на термометарот се спушти до -4 степени Целзиусови.
Под нулата утринава било и во Маврови Анови со -2 степени, како и во Охрид со -1 степен. Нула степени се измерени во Битола и во Крушево, додека 1 степен е регистриран во Берово и Претор.
Со 2 степени утринска температура се Прилеп, Тетово, Демир Капија, Виница и Крива Паланка. Во Скопје-Петровец, Струмица и Штип се измерени 4 степени, додека 6 степени се регистрирани во Скопје-Зајчев Рид, Велес и Кавадарци. Најтопло утринава било во Гевгелија со измерени 10 степени.
Снежна покривка од 89 сантиметри има на Попова Шапка.
Времето денеска ќе биде сончево со мала до умерена облачност. Ќе дува слаб до умерен ветер од северен правец, а долж Повардарието повремено засилен, локално со брзина до 50 километри на час. Максималната дневна температура ќе се движи во интервал од 10 до 17 степени.
Во Скопје времето ќе биде сончево со мала до умерена облачност. Ќе дува слаб до умерен северен ветер, а во делови од котлината повремено засилен. Максималната температура во главниот град ќе достигне до 14 степени.
