Поради масовните украински напади, Русија е принудена да увезува бензин од Индија

Русија почна да увезува бензин од Индија по морски пат за да го ублажи недостигот на гориво предизвикан од украинските напади врз енергетската инфраструктура, објави „Ројтерс“, повикувајќи се на извори од индустријата.

— реклама —

Според нив, веќе се испратени најмалку 60.000 метрички тони бензин од Индија кон Русија, а планирано е месечно да се увезуваат околу 400.000 тони гориво од повеќе земји, меѓу кои и Белорусија.

— реклама —

Недостигот на гориво се чувствува во повеќе руски региони, што доведе до ограничувања во потрошувачката, долги редици на бензинските станици и рекорден раст на цените.

— реклама —

Рускиот претседател Владимир Путин призна дека нападите со украински беспилотни летала врз нафтените рафинерии предизвикале недостиг на гориво во одредени делови од земјата, но оцени дека ситуацијата е под контрола.

Во меѓувреме, Белорусија значително ги зголемила испораките на бензин за Русија, а руските власти усвоија законски измени што предвидуваат субвенции за увоз на гориво со цел да се ублажат последиците од кризата.