Поради ретроградниот Меркур министерката за образование во БиХ ги намалува активностите

Ретроградниот Меркур влијае врз нејзините планови и комуникацијата со луѓето – ова е причината поради која министерката за образование и наука на Федерацијата Босна и Херцеговина, Јасна Дураковиќ, најави дека ќе ги ограничи своите активности до 14 ноември.

— реклама —

Во видеообјава на ТикТок, Дураковиќ раскажала дека во изминатите денови имала низа непријатни искуства во комуникацијата, поради што почнала да верува дека положбата на планетите влијае врз расположението и однесувањето на луѓето.

„Во изминатите денови имав навистина безброј лоши искуства во комуникацијата, така што почнувам навистина да верувам дека положбата на планетите силно влијае врз нашето расположение, однесување и комуникација“, изјавила министерката.

— реклама —

Таа објаснила дека е родена во знакот Близнаци, со кој, според астрологијата, владее Меркур, додавајќи дека проблемите во комуникацијата особено ѝ пречат бидејќи по професија е комуниколог.

— реклама —

Дураковиќ им препорачала и на граѓаните да ги одложат важните договори, преговори и потпишувањето документи за втората половина на ноември, кога, според нејзиното верување, ќе заврши неповолниот астролошки период.

Нејзината објава предизвикала различни реакции на социјалните мрежи. Додека дел од корисниците ја критикувале, други со иронија прашувале дали поради ретроградниот Меркур треба да се одложат и испитите на факултетите.

— реклама —

Во астрологијата, ретроградниот Меркур се поврзува со недоразбирања во комуникацијата, технички проблеми и тешкотии при донесувањето одлуки. Станува збор за привидно движење на планетата наназад, набљудувано од Земјата.