Портретот на покојната принцеза Дијана е продаден за 10 пати поскапо од очекуваното, објави аукциската куќа „Сотби“, пренесува CBS News. Портретот наречен Дијана, принцезата од Велс, е насликан во 1994 година од страна на починатиот американски уметник Нелсон Шанкс.
Од Сотби изјавија дека цената се очекува да биде 20.000 долари, но сликата е продадена за 201.600 долари.
На сликата е принцезата со полузатворени очи и имагинарен израз на лицето како во целосен портрет, додека нејзиниот зелен фустан подоцна е сменет во бела блуза, за последниот голем проект, пишува „Сотби“.
Големиот портрет што висеше во палатата Кенсингтон пред да биде преместена во нејзиниот дом во Алторп, Нортемптоншир, ги отсликува емотивните последици од јавниот живот на Дијана во средината на 1990-тите, но и нејзиниот внатрешен отпор, пишува „Сотби“.
Дијана, сликарот Шанкс и неговата сопруга Леона станале блиски пријатели во времето кога принцезата позирала за портретот, пренесува Б92. Во писмото до парот во 1994 година, Дијана напиша: „Ми недостигате вие и Леон во Лондон бидејќи доаѓањето во студиото беше безбедно засолниште, полно со поддршка и љубов“.
Три години откако го испратила писмото, Дијана загинала во сообраќајна несреќа во Париз, на 36-годишна возраст. На Шенкс му беше дадена задача да направи портрет во целосна големина на покојната принцеза од Велс во доцните 1990-ти, за што беа потребни повеќе од 35 часа позирање.
