Министерството за внатрешни работи информира дека од денеска, 20 јули, до 23 јули во официјална посета на Македонија ќе престојува претседателката на Република Индија, Друпади Мурму.
Поради посетата, СВР Скопје, преку Единицата за безбедност на патниот сообраќај, ќе воведе посебен режим на сообраќај на повеќе сообраќајници во поширокото централно подрачје на Скопје.
Од МВР апелираат до сите учесници во сообраќајот да ги почитуваат насоките и наредбите што ќе ги даваат униформираните полициски службеници, со цел посетата да помине безбедно и непречено.
