Надворешната канцеларија за криминалистички работи Крива Паланка поднесе кривична пријава против Р.С. (52) од Крива Паланка поради сомнение дека сторил кривично дело „фалсификување исправа“.
Според МВР, во октомври 2024 година, пријавениот, како вработен во правен субјект, со умисла му овозможил правно дејство на претплатнички договор и анекс за користење електронски комуникациски услуги склучен меѓу С.А. и правен субјект од Скопје.
При инсталирањето на ТВ-пакетот, во својство на монтер, тој активирал поскап пакет на услуги, а договорот не бил потпишан од претплатникот, туку од самиот пријавен.
Со ваквото постапување, според полицијата, му била причинета штета на корисникот С.А.
