Лидерот на набљудувачката мисија на ОН денеска изјави дека смртоносниот напад на детската болница во главниот град на Украина, Киев, најверојатно бил предизвикан од директен удар од руска ракета.
„Видео-анализата и проценката на местото на настанот укажуваат на голема веројатност дека детската болница претрпела директен удар наместо пресретната (ракетна) штета“, рече Даниеле Бел, шеф на Мисијата на ОН за човекови права во Украина.
Таа додаде дека нејзиниот тим, кој вчера ја посети локацијата, не може да донесе конечна одлука, но се чини дека проектилот е лансиран од Русија.
